Baskoniak porrota jaso du Fuenlabradaren aurka eta bolada txarrean darrai
Kirolbet Baskoniak porrota jaso du Montakit Fuenlabradaren aurka (80-92) Endesa Ligako bederatzigarren jardunaldian, eta Arabako taldearen krisialdia handitu egin da neurketa hau galduta.
Lehen laurdena parekatua izan da. Tomas Bellasek gidatu du Fuenlabradaren jokoa, eta Tornike Shengelia izan da Baskoniaren erreferentzia. Abantaila txikia eskuratu du Baskoniak, baina lehen laurdenari amaiera bikaina eman dio talde bisitariak, eta puntu bateko abantailarekin heldu da (19-20) lehen hamar minutuen amaierara.
Fuenlabrada nagusi izan da bigarren laurdenaren hasieran, eta Arabako taldea ezinean ibili da. Horrenbestez, bederatzi puntuko errenta lortu du Madrilgo taldeak (22-31). Baskoniaren une txar horretan, Shengeliak hartu du ardura, eta desabantaila murriztea lortu du atsedenaldira iritsi aurretik (35-41).
Atsedenaldiak, ordea, ez dio onik egin Kirolbet Baskoniari. Fuenlabrada jaun eta jabe izan da hirugarren laurdenaren hasieran, eta berriro zuloa ireki du (42-53). Partida maldan gora jarri zaio Perasovicek zuzentzen duen taldeari. Jokalariak saiatu dira aldeak murrizten, baina aurkaria gehiago izan da, eta 12 puntuko desabantailarekin ekin dio Baskoniak azken laurdenari (55-67).
Defentsa sendotu du talde gasteiztarrak azken laurdenean, eta 17-9ko partziala lortuta, bi puntura gerturatu da (76-78). Jokoa hobetu du Baskoniak, eta esperantzaz bete ditu zaleak, partida amaitzeko bi minutu falta zirenean. Hala ere, Kirolbet Baskoniak oso gaizki jokatu ditu azken baloi-jabetzak, eta porrota jaso du (80-92).
Fitxa teknikoa:
80 - Kirolbet Baskonia (19+16+20+25): Henry (15), Janning (6), Garino (12), Shengelia (26) eta Diop (6) -hasierako taldea-, Vildoza (3), Fall (-), Stauskas (2) eta Polonara (10).
92 - Montakit Fuenlabrada (20+21+26+25): Bellas (8), Marc Garcia (12), Eyenga (5), Gillet (5), Mockevicius (4) -hasierako taldea-, Urtasun (19), Anderson (19), Richotti (6), Bobrov (10), Sikiras (-) eta Ehigitor (4).
Epaileak: Carlos Cortes, Jorge Martinez eta Joaquin Garcia Gonzalez. Ehigitor (35. min) Fuenlabradako jokalaria kanporatu dute, baita y Garino (40. min) Baskoniako jokalaria.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.