Garaipenaren bidera itzuli da Baskonia, Betisi irabazita
Kirolbet Baskoniak ezustea eman du azken laurdenean, hiruko lerrotik bereziki asmatuz eta Betisi 84 eta 73 gailenduz. Endesa Ligako bosgarren jardunaldian, beraz, garaipena bidera itzuli da talde arabarra.
Jokatutako azken lau partidetan jasotako porrotek min asko egin diote taldeari, bai Endesa Ligakoak baita Euroligakoak ere, hortaz, Betisi irabazteak arnasa eman dio Perasovicek gidatutako taldeari.
Betisek Baskoniak baino hobe heldu dio norgehiagokari eta talde arabarrak egindako akatsak baliatu ditu aldea handitu ahal izateko.
Velimir Perasovicek hainbat aldaketa egin du eta norgehiagoka bere horretan gelditu nahi izan du akats horiek zuzentze aldera, izan ere, talde andaluziarrak errenta azpimarragarria ateratzera iritsi da, hain zuzen ere, 9-18.
Aldaketa horien ostean, indarberritu egin da etxeko taldea eta sufritu arren, ez ditu besoak jaitsi eta bere aurpegirik lehiakorrena aurkeztu du.
Are gehiago, entrenatzaile kroaziarrak ez du aldaketa bakar bat ere egin azken laurdenean eta kantxara atera den bostekoarekin jokatu du laurden osoan zehar.
Azkenean, Perasovicek asmatu egin du eta sufrimenduz betetako partida ilusio hizpide bilakatu du zaleentzat, azken lau porrotei amaiera eman eta garaipenaren zaporea berriz ere dastatuz.
Fitxa teknikoa:
84 - Kirolbet Baskonia (13+21+18+32): Henry (21), Stauskas (2), Shields (13), Shengelia (18) y Eric (4) –lehen bostekoa-, Vildoza (5), Gonzalez (-), Janning (3), Diop (2), Fall (5) eta Pollonara (11).
73 - Betis (18+17+24+14): Sipahi (5), Rivers (8), Almazan (5), Enechionyia (11) eta Whittington (19) –lehen bostekoa-, Oliver (10), Conger (6), Borg (5), Malmanis (-), Izundu (-), Niang (4) eta Nacho Martin (-).
Epaileak: Carlos Peruga, Javier Torres eta Cristobal Sanchez.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.