Azken hasperenean galdu du Baskoniak Unicajaren aurkako norgehiagoka (77-78)
Porrota jaso du Baskoniak Unicajaren aurka azken hasperenean, izan ere, Josh Adamsek saskiratutako bi hirukoekin eta Jaime Fernandezek saskiratutako bi jaurtiketa libreekin Unicaja aurretik jarri da, eta Baskoniak zuen 17 puntuko aldea guztiz irauli eta Endesa Ligako hirugarren jardunaldiko neurketa irabazi du.
Unicajak 2-3 sistemarekin defendatuz Gasteizko taldeko jokalariak desorekatu ditu, eta hainbat arazo eragin dizkie; 11 aldiz galdu dute baloia azken bi laurdenetan.
Patricio Garinok erdietsitako bost puntuak eta Shavon Shieldsek egindako laurak ezinbestekoak izan dira norgehiagokari hasiera ona emateko eta aurkaria ahultzeko.
Unicajak, ordea, atsedenaldiaren ostean eman du ezustea. Lehen zatian Baskonia nagusitu da, baina Malagako taldeak nagusitasun hori bere egin du bigarrenean. Hala ere, Baskoniak markagailua bere alde izan du azken hasperenera arte.
Velimir Perasovicen taldea jokoari abiadura handiagoa ematen saiatu da arazoei irtenbidea bilatu nahian, baina ez dute zoria alde izan, eta aldea etengabe joan da txikitzen.
Neurketa bukatzeko 12 segundo faltan, Unicajak ezustekoa eman du, lehen aldiz aurretik jarriz, eta Baskoniak erantzun ona eman du markagailuan berdinketa lortu eta aurretik jarrita, baina azken unean, segundo baten faltan, Jaime Fernandezek garaipena eman dio Unicajari.
Fitxa teknikoa:
77 - Kirolbet Baskonia (29+20+11+17): Vildoza (11), Shields (6), Garino (10), Shengelia (9) eta Diop (3); Gonzalez (2), Henry (2), Janning (16), Fall (8), Polonara (6) eta Eric (2).
78 - Unicaja (20+16+23+19): Adams (23), Fernandez (2), Ejim (10), Thompson (7) eta Gerun (6); Avramovic (2), Diaz (9), Waczynski (2), Elegar (-), Guerrero (6) eta Suarez (11).
Epaileak: Miguel Angel Perez Perez, Sergio Manuel eta Ivan Gonzalez.
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.