Baskoniak garaipenarekin ekin dio Euroligari Zalgiris garaituta (58-70)
Kirolbet Baskoniak defentsako lana izan du bidelagun Kaunasen Zalgirisen aurka irabazteko (58-70), 2019/2020 denboraldiko Euroligako estreinaldian.
Talde gasteiztarra aurretik joan da markagailuan ia lehia guztian zehar, eta Shavon Shieldsen puntu ekarpenak izan du horretan zerikusi handia (19 puntu eta 21eko balorazioa), baita Youssoupha Fallek eta Pierria Henryk defentsa arloan egindako jardunak ere.
Zalgiris, bere aldetik, irregularrago ibili da, eta Edgaras Ulanovas besterik ez da nabarmendu (20 puntu).
Velimir Perasovicen jokalariek grina handiarekin kantxaratu dira Zalgirio Arenara, bertan jokatutako azken bi aldietako garaipenek hauspotuta edo. Dena den, etxekoek berehala erreakzionatu dute eta lehia parekatu egin da (19-19, lehen laurdenaren amaieran).
Orduan etorri dira Baskoniaren minuturik onenak, Youssoupha Fallek defentsan agertzen zuen sendotasuna baliatuta. Pibot senegaldarrak lau jaurtiketa libre huts egin baditu ere bata bestearen atzetik, beste horrenbeste txapel jarri ditu tarte horretan, eta etxekoen susperraldia baretu du.
Hartara, Baskoniak 10 puntuko aldea lortu du Janningek, Shieldsek eta Vildozak jarraian sartu dituzten hiru hirukori esker (27-37). Lekaviciusek saskiratutako beste hiruko batek itxaropena ekarri die etxekoei (30-37),
Atsedenaldiaren ostean, Zalgirisek hirugarren laurdenaren amaiera aldera besterik ez dio sortu ezinegona Perasovicen taldeari, markagailuko zulora lau puntura estutu duenean. Alabaina, Matt Janningek jarraian erdietsitako bost puntuk garaipena bideratu dute arabarren alde (46-55).
Azken laurdenean, Tornike Shengelia kapitaina arduratu da urduritasun guztiak uxatzeaz.
Hartara, Baskoniak ezin hobeto ekin dio Euroligari, eta lasaitasunez egingo die aurre etxetik kanpo Moskun (Khimki) eta Istanbulen (Fenerbahce) jokatu behar dituen hurrengo bi jardunaldiei.
Fitxa teknikoa:
58 - Zalgiris Kaunas (19+11+16+12): Perez (-), Grigonis (10), Ulanovas (9), Leday (7) eta Geben (2) –hasierako bostekoa–, Walkup (2), Lekavicius (10), Hayes (-), Jankunas (-), Milaknis (9) eta Landale (9).
70 - Kirolbet Baskonia (19+18+18+15): Vildoza (10), Shields (19), Garino (3), Shengelia (13) eta Eric (7) –hasierako bostekoa–, Henry (4), Janning (10), Diop (-), Fall (2) eta Polonara (2).
Epaileak: Christos Christodoulou (Grezia), Uros Obrknezevic (Serbia) eta Saso Petek (Eslovenia). Kanporatutako jokalariak: Fall (40. min).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.