Shengeliak eta Poirierrek garaipena eman diote Baskoniari Istanbulen (81-82)
Baskoniak meritu handiko garaipena eskuratu du Anadolu Efesen etxean (81-82) Euroligako 12. Jardunaldian, espero zena baino gehiago sufritu eta gero; izan ere, hiru segundoren faltan Vincent Poirier frantziarrak sartu dituen bi jaurtiketa libre dela medio lortu dute garaipena.
Partidak hainbat gorabehera izan ditu. Turkiarrek Baskoniaren lan onari eutsi diote lehenbiziko bi laurdenetan, baina aldageletatik bueltan gasteiztarrek pauso bat eman dute aurrera eta mendean hartu dute lehia. Alabaina, etxekoak ez dira kikildu eta partida iraultzea lortu dute 23-5eko partzialaren bidez, Errick McCollumen jarioaren eskutik, batez ere (21 puntu guztira).
Dena dela, Baskoniaren mesedetan lan handia egin duten Tornike Shengelia (17 puntu), Poirier (16) eta Matt Janning (16) berriz agertu dira Bryant Dunstonek barrualdean erakutsi duen ahalmenari aurre egiteko. Modu horretan, Baskoniak azken sei jardunaldietako bosgarren garaipena lortu du Europan eta sei garaipen eta sei porrotekin sailkapeneko erdialdean kokatu da. Turkiarrak, aldiz, azkenak dira.
Fitxa teknikoa:
Anadolu Efes 81 (19+23+26+13): Josh Adams (5), Zoran Dragic (10), Ledo (10), Stimac (10) eta Dunston (14) –hasierako bostekoa–, McCollum (21), Simon (7), Balbay (-), Batuk (-), Motum (-) eta Brown (4).
Baskonia 82 (24+21+20+17): Granger (4), Janning (16), Timma (8), Shengelia (17) eta Poirier (16) –hasierako bostekoa–, Huertas (-), Beaubois (9), Kevin Jones (9) eta Voigtmann (3).
Epaileak: Robert Lottermorser (Alemania), Olegs Latisevs (Letonia) eta Josip Radojkovic (Kroazia). Ez dute inor kanporatu.
inor kanporatu.Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.