Baskoniak porrota jaso du Emporio Armaniren aurka
Baskoniak porrota jaso du Milanen EA7 Emporio Armani taldearen aurka (88-76). Astearte honetakoa, Arabako taldeak Euroligan jasotzen duen hirugarren porrota izan da.
Lehen laurdenari ondo ekin dio Baskoniak partidako lehen sakiratzeak sartuta eta lehia parekatuta mantentzea lortu du laurdenaren azken txanpara arte. Emporio Armani Milanek esker onez jaso ditu Arabako taldeak egindako opariak eta lehen hamar minutuen amaieran, 10 puntuko abantaila lortu du etxeko taldeak (27-17).
Bigarren laurdenean Baskonia saiatu da desabantaila murrizten, baina Milaneko taldeak ez dio erraztasunik eman eta Sito Alonsok zuzentzen duen taldeak zailtasunak izan ditu erasoko jokoan. Minutuak aurrera joan ahala Emporio Armani nagusitzen hasi da, eta laurdenaren erdialdean 15 puntuko abantaila lortu du talde italiarrak (36-21). Atsedenaldira iritsi orduko, Arabako taldeak aldeak pixka bat murriztea lortu du, baina 14 puntu azpitik iritsi da Baskonia atsedenaldira (49-35).
Atsedenaldtik kantxara itzuli ostean partidaren gidoia ez da aldatu. Baskoniak, nahi baina ezin eta Milaneko taldea eroso ibili da kantxan. Arabako taldeak desabantaila 10 puntura murrizteko aukera izan duen bakoitzean Emporio Armaniko jokalarien kalitatea nabarmendu egin da, batipat Sandersen hirukoekin eta biko saskiratzeekin. Berriro ere, aurreko bi laurdenetan bezala, Baskoniak kaskar jokatu ditu azken minutuak eta etxeko taldea 16 puntuko abantailarekin iritsi da azken laurdenera (72-56).
Partida amaierako azken hamar minutuetan Baskoniak ezer gutxi egin ahal izan du, desabantaila handiarekin etorri baita hirugarren laurdenetik. Emporio Armanik kontrolpean izan du norgehiagoka azken laurdenean eta arazo gehiegirik gabe aurretik lortutako abantaila mantendu du. Horrenbestez, Baskoniaren porrota Mianen (88-76).
Fitxa teknikoa:
88. EA7 Emporio Armani Milan (27+22+23+16): Hickman (13), Z. Dragic (8), Gentile (7), Macvan (6), Raduljica (5) -hasierako bostekoa-, Abass (8), Sanders (19), Simon (10), Pascolo (2), Mclean (5) eta Kalnietis (5).
76. Baskonia (17+18+23+20): Larkin (21), Blazic (5), Hanga (8), Voigtmann (16), Bargnani (12) -hasierako bostekoa-, Budinger (2), Luz (-), Tillie (6), I. Diop (-), Beaubois (6) eta Sedekerskis (-).
Epaileak: Ryzhyk (Ukraina), Lottermoser (Alemania) eta Koromilas (Grezia).
milas (Grezia).Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.