Baskoniak erakustaldia eman du Fenerbahceren aurrean (86-52)
Baskoniak Fenerbahce zapaldu du (86-52) partida borobila eginda. Ondorioz, arabarrak sailkapenean turkiarren parean jarri dira, lau garaipen eta bi porrotekin.
Defentsa ordenatua eta kontraeraso azkarrak izan dira gasteiztarren garaipenaren gakoa. Halaber, kanpoko jaurtiketetan asmatu egin dute.
Sito Alonsoren taldearen nagusitasunak ez du itzalik izan, eta laurdenetik laurdenera markagailuan izan duten aldea handitzen joan dira.
Sei jokalarik izan dute hamar puntutik gorako balorazioa, eta guztien gainetik, Shane Larkin (17 puntu) eta Johannes Voigtmann (22) izan dira.
Partidaren hasieran tentsio handia izan da bi taldeetan; jaurtiketetan ez dira fin ibili eta baloi ugari galdu dituzte. Gauzak horrela, lehen hamar minutuak 14 eta 11ko emaitzarekin bukatu dira.
Bigarren laurdenean, arabarrak hobeto hasi dira. 8 eta 0eko partziala egin eta 22 eta 11 ihes egin dute 14. minutuan. Fenerbahce ezinean aritu da eta atsedenaldian turkiarrak 41 eta 24 izan dira atzetik.
Bigarren zati borobila
Hirugarren laurdenean, gasteiztarrak geldiezin aritu dira, eta ordura arteko zulorik handiena egin dute markagailuan, 51 eta 26, hasi eta hiru minutura. Hurrengo jokaldietan ere ez dute gupidarik izan eta 27 puntuko aldea izan dute, 67-40, laurdenaren amaieran.
Baskoniaren nagusitasuna ikusita, azken laurdenak ez du historia handirik izan. Aurrekoen ildotik jarraitu dute, eta azkenean neurketako alderik handienarekin amaitu da norgehiagoka: 86-52.
Fitxa teknikoa:
86. Baskonia (14+27+26+19): Larkin (13), Blazic (11), Hanga (6), Shengelia (-), Voigtmann (13), -hasierako boskotea-, Bargnani (13), Beaubois (6), Budinger (6), Luz (6), Tillie (6), I. Diop (2) eta Sedekerskis (4).
52. Fenerbahce Estambul (11+13+16+12): Dixon (8), Sloukas (9), Datome (2), Vesely (2), Udoh (8) -hasierako boskotea-, Nunnally (6), Kalinic (7), Ugurlu (2), Hersek (4), Antic (4), Minchev (-) eta Mahmutoglu (-).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.