Baskoniaren garaipena mailari eustea lortu duen Manresaren aurka
Laboral Kutxa Baskoniak garaipenarekin agurtu du Liga Erregularra ICL Manresari 83-80 irabazi ostean Buesa Arenan. Porrota jaso arren, talde kataluniarrak mailari eustea lortu du, Movistar Estudiantesek galdu egin baitu RETAbet.es Gipuzkoa Basketen aurka.
Lehen laurdenean bi taldeek akats mordoa egin dituzte, baina Ibon Navarrok zuzentzen duen taldearen defentsa nagusitu egin da Baskoniaren erasoko jokoaren aurrean. Lehen hamar minutuak Manresaren aldeko 15-22ko emaitzarekin bukatu dira. Bigarren laurdenean hobekuntza nabarmena izan du Laboral Kutxaren jokoak eta aldeak murrizteaz gain, puntu bateko abantailarekin (36-35) iritsi da Arabako taldea atsedenaldira.
Hiruko jaurtiketen bitartez lortu du Laboral Kutxak markagailuan aldeak handitzea hirugarren laurdenaren hasieran, baina 25. minuturako ICL Manresak berriro aurrea hartu du markagailuan (44-48). Ordutik aurrera, parekotasuna izan da nagusi eta bisitariek bi puntuko abantailarekin ekin diote azken laurdenari (54-56). Amaierako hamar minutuetan Mike Jamesek hiru hiruko lortu ditu jarraian eta Baskonia pasa da agintera. Bukaerarako hiru minutu falta izan direnan Laboral Kutxak sei puntuko abantaila lortu du (78-72). Alde hau erabakagarria izan da azken txanparako eta Baskoniak lortu du garaipena (83-80).
Fitxa teknikoa:
83 - Laboral Kutxa Baskonia (15+21+18+29): Adams (21), Hanga (6), Davis Bertans (0), Tillie (11), I. Diop (2) -hasierako bostekoa-, Bourousis (14), M.James (15), Corbacho (6), Planinic (5), Blazic (3).
80 - ICL Manresa (22+13+21+24): Foster (13), Simon (17), Grigonis (11), Auda (8), Musli (11) -hasierako bostekoa-, Sandul (0), Montañez (4), Hernández (4), J. J. Garcia (5), Costa (0), Flis (0), Jaramaz (7).
Epaileak: Perez Pizarro (35), Martinez Fernandez (55) eta Serrano (60).
a Serrano (60).Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.