Baskoniak Lokomotiven aurka galdu eta laugarren postuan bukatu du
Laboral Kutxa Baskoniak 75-85 galdu du Lokomotiv Kuban Krasnodarren aurka Lauko Finaleko hirugarren eta laugarren postua eskuratzeko partida eta aurtengo Euroligari agur esan dio, laugarren bukatuta.
Arabako taldeak ondo ekin dio norgehiagokari eta markagailuan agintzen ibili da lehen laurdenaren erdialdera arte, baina Lokomotivek aurrea hartu du zazpigarren minutuan (12-13). Talde errusiarra Baskonia baino hobea izan da lehen hamar minutuetan eta lau puntuko errenta lortu du (16-20). Bigarren laurdena oso parekatua izan da. Bi taldeek defentsa sendotu dute, eta fin ibili dira erasoan. Laboral Kutxak lehen laurdeneko desabantaila ezerezean uztea lortu eta bi puntuko abantaila lortu du atsedenaldira iristean (42-40).
Atsedenaldiaren ostean, lehiak parekatuta jarraitu du hirugarren laurdenaren erdialdera arte, baina hortik aurrera Lokomotiv nagusi izan da. Errusiarrek 0-11ko partziala lortu eta abantaila hartu dute markagailuan. Baskoniari min egin dio partzial horrek eta 8 puntuko desabantailarekin amaitu du hirugarren laurdena (53-61). Azken laurdenean behera etorri da Laboral Kutxa Baskonia eta ezin izan du ezer asko egin sendo mantendu den Lokomotiven aurka. Amaieran, Lokomotiventzat garaipena, 75-85eko emaitzarekin.
Fitxa teknikoa:
75. Laboral Kutxa (16+26+11+22): Adams (25), Hanga (3), Bertans (13), Tillie (7), Planinic (5) - hasierako bostekoa -, Bourousis (5), Blazic (8), M.James (2), Corbacho (3), I.Diop (4).
85. Lokomotiv Kuban (20+20+21+24): Delaney (21), Broekhoff (21), Claver (10), Bykov (0), Singleton (10) -hasierako bostekoa-, Draper (2), Janning (10), Balashov (0), Voronov (0), Zubkov (11).
Epaileak: Christodoulou (GRE), Ryzhyk (UKR), Pastusiak (POL).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.