Laboral Kutxak geldiezin jarraitzen du
Laboral Kutxa Baskoniak bolada onean jarraitzen du larunbat honetan Rio Natura Monbus taldeari 69-86 irabazi ostean. Garaipen honekin, Arabako taldeak astea biribildu du Valentziak Endesa Ligan jasotzen zuen lehen porrota eragin ostean eta Euroligan ere, ostegunean, garaipena lortuta.
Partidari ondo ekin dio Baskoniak eta azkar lortu du markagailuan aldea eskuratzea. Lehen hamar minutuetan erabat nagusi izan da Perasovicek zuzentzen duen taldea. Ondorioz, 8 puntuko abantailarekin amaitu du Baskoniak lehen laurdena (13-21). Bigarren laurdenean, aldiz, etxeko taldea esnatu egin da. Rio Natura Monbus aldeak murrizten hasi da, eta markagailua asko estutu du. Lehen laurdeneko 8 puntuko abantaila, bi puntuko errentan soilik geratu da Laboral Kutxarentzat partida atsedenaldira iritsi denean (37-39).
Atsedenaldiak mesede egin dio Arabako taldeari. Baskonia lehen laurdenean bezain indartsu kantxaratu da hirugarren laurdenean eta atsedenaldia baino lehen izan duen beherakada ahaztea lortu du. Bere joko onena aurkitu du berriro Laboral Kutxak eta hirugarren laurdena 12 puntuko abantailarekin bukatu du (54-66).
Azken laurdenera alde politarekin iritsi da Gasteizeko taldea. Perasovicen mutilek ez dute bigarren laurdenean gertatukoa berriro gertatzea nahi eta erne egon dira azken hamar minutuetan. Rio Natura Monbusek ezin izan du Baskoniaren garaipena kolokan jarri eta Laboral Kutxak 69-86ko emaitzarekin lortu du garaipena. Arabako taldeak 16 garaipen eta lau porrot eskuratu ditu Endesa Ligako 20 jardunalditan. Orain, bolada onak datorren asteko Errege Kopan jarraitzea espero dute jokalariek, entrenatzaileek eta zaleek.
Fitxa teknikoa:
69 - Rio Natura Monbus Obradoiro (13+24+17+15): Donnie McGrath (2), Santi Yusta (6), Adam Waczynski (14), Angelo Caloiaro (9), Artem Pustovyi (4) -hasierako bostekoa-, Tyler Haws (6), Juanjo Triguero (6), Alec Brown (15), Eimantas Bendzius (5) eta Pepe Pozas (2).
86 - Laboral Kutxa Baskonia (21+18+27+20): Darius Adams (2), Fabien Caseur (9), Adam Hanga (15), Kim Tillie (14), Ilimane Diop (4) -hasierako bostekoa-, Mike James (10), Ioannis Bourousis (6), Jaka Blazic (9), Alberto Corbacho (3) eta David Bertans (14).
Epaileak: Jose Antonio Martin Bertran, Francisco Araña eta Ruben Sanchez Mohedas.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.