Baskoniak erakustaldia emanez eta garaipena lortuz agurtu du 2015a
Laboral Kutxa Baskoniak Montakit Fuenlabradari 101-79 irabazita esan dio agur 2015. urteari. Arabako taldeak erakustaldia eman du Buesa Arenan, bere zaleen aurrean eta Endesa Ligako sailkapeneko laugarren postuan agurtuko du urtea, hamar garaipen eta hiru porroteko balantzearekin.
Fuenlabradak 0-5eko partzialarekin ekin dio partidari, baina Laboral Kutxak azkar erantzun eta lehia berdintzea lortu du (5-5). Berdinketa horren ondoren, Arabako taldeak sei puntuko abantaila eskuratu du (16-10) eta behin markagailuan aurretik jartzeak ematen duen lasaitasunarekin, lehen hamar minutuak 15 puntuko aldearekin bukatzea lortu du (29-14). Bigarren laurdenaren hasieran, ordea, Montakit Fuenlabrada etxeko taldea baino hobea izan da, eta aldeak murriztea lortu du, bost puntura gerturatu den arte (37-32). Orduan esnatu da Baskonia eta ez dio aurkariari markagailuan gehiago gerturatzen utzi. Partida Baskoniaren aldeko 43-34ko emaitzarekin iritsi da atsedenaldira.
Atsedenalditik bueltan azaldu du Laboral Kutxak bere jokorik onena. Fuenlabrada ezinean ibili da. Madrileko taldeak ezin izan du Baskoniaren erasoko jokoa geratu, ezta Arabako taldearen defentsa gogorra gainditu ere. Perasovicen mutilek hirugarren laurden bikaina jokatu eta 22 puntuko abantaila eskuratu dute (75-53). Azken laurdenerako gutiz bideratuta utzi du garaipena Laboral Kutxak, baina urteko azken partida jokatu dute etxean eta zaleek gozatzea izan dute helburu. Baskoniak jomuga hori eskuratzaez gain, 2015. urtea garaipen batekin agurtzea lortu du (101-79).
Fitxa teknikoa:
101 - Laboral Kutxa (29+14+32+26): Adams (17), Causeur (6), Hanga (9), Shengelia (23), I. Diop (10)-hasierako bostekoa-, James (11), Blazic (1), Corbacho, Tillie (2), Bourousis (20), Planinic (2), M. Diop.
79 - Montakit Fuenlabrada (14+20+21+24): Popovic, Tabu (7), Wear (7), Paunic (12), Sobin (4), -hasierako bostekoa-, Urtasun (17), Uriz (3), Stevic (17), Smits (7), Gonzalez (3), Scott, Llorca (2).
Epaileak: Conde, Sanchez, Monserrat, Cardús.
serrat, Cardús.Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.