Baskoniak garaipen handia lortu du Bartzelonaren aurka
Laboral Kutxa Baskoniak 87-79 irabazi dio Bartzelona Lassari Buesa Arenan. Garaipen garrantzitsua lortu du Arabako taldeak eta Bartzelonarekin berdinduta geratzen da sei garaipen eta porrot bakarreko balantzearekin. Endesa Ligan Barçak jasotzen duen lehen porrota izan da Laboral Kutxaren aurkakoa.
Norgehiagoka bikain hasi du Baskoniak, 9-0eko partzialarekin. Lehen laurden guztian zehar nagusi izan da etxeko taldea eta Bartzelona ezinean ibili da. Laurdenaren azken txanpan, ordea, Kataluniako taldeak saki aurrean asmatu eta Laboral Kutxaren aldeko 17-12ko emaitzarekin amaitu dira lehen hamar minutuak.
Baskonia ondo sartu da bigarren laurdenean, baina minutuak aurrera joan ahala Bartzelona nagusitzen hasi da; ondorioz, Barçak markagailuan aurrea hartzea lortu du (23-28). Atsedenaldira iritsi orduko, Perasovicek zuzentzen duen taldeak aldeak murriztea lortu du. Atsedenaldira, hiru puntuko desabantilarekin iritsi dira arabarrak (29-32).
Hirugarren laurdena oso parekatua izan da, eta horren adibide argiena laurdenaren amaieran markagailuak adierazten izan duen emaitza; 52-52. Azken laurdenean, Bartzelonak 0-5eko partzialarekin abantaila lortu du, baina Baskoniak garaiz erantzun eta berriro partida parekatzea lortu du. Azken baloia Bartzelonak izan du, baina ez du saskiratzea lortu eta irabazlea luzapenean erabaki behar izan da (73-73).
Luzapenari bikain ekin dio Laboral Kutxak 8-0eko partzialarekin eta honela, garaipena bideratu du Perasovicek zuzentzen duen taldeak. Partzial hau zama astunegia izan da Bartzelonarentzat eta Baskoniak merezitako garaipena eskuratu du (87-79).
Fitxa teknikoa:
87 - Laboral Kutxa (17+12+23+21+14): Adams (24), Causeur (16), Hanga (8), Tillie (14), Planinic -hasierako bostekoa-, James (5), Blazic, Corbacho, Shengelia (6), Bourousis (11), Diop (3).
79 - Bartzelona Lassa (12+20+20+21+6): Arroyo (7), Oleson (4), Perperoglu (20), Lawal (5), Samuels (3) -hasierako bostekoa-, Ribas (8), Tomic (14), Doellman (11), Abrines (3), Satoransky (4).
Epaileak: Garcia Gonzalez, Cortes, Perez Niz.
tes, Perez Niz.Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.