Baskoniari multzoko bigarren postuak ihes egin dio
Laboral Kutxa D multzoko hirugarren postuan sailkatu da Euroligako fase erregularrean, Izar Gorriaren aurka galduta (90-82). Ondorioz, CSKA Mosku, Anadolu Efes edo Emporio Armani bezalako taldeen aurka neurtuko ditu indarrak Gasteizko taldeak Top 16an.
Etxeko taldea Baskonia baino gehiago izan da hasierako minutuetan. Kontzentratuta atera, eta hiruko marratik fin aritu da. Baina gasteiztarrak suspertu dira, kontraerasoan ondo jokatu dute eta lehen laurdenaren amaieran 18-18koa zen markagailua.
Bigarrenaren hasieran, joko ona eskaini du Ibon Navarroren taldeak eta markagailuan aurreratu da (22-29). Laboral Kutxa sendo aritu da defentsan, baloiak berreskuratu ditu eta azkar saskiratu du. Izar Gorriak puntu bateko aldearekin egin dio aurre hirugarren laurdenari, Dangubicek azken segundoan egindako saskiratzeari esker (46-45). Bertans, Causeur eta Tillie, Baskoniako onenak.
Hirugarren laurdenean Belgradoko taldea nagusitu da, eta zazpi puntuko abantaila lortu du (70-63). Azken laurdena eroa izan da, erritmo handikoa eta ez da atsedenerako denborarik egon. Norgehiagoka erabat apurtuta zegoen, eta Baskonia ez da garaipena bideratzeko gai izan.
Fitxa teknikoa:
90 Izar Gorria (18+28+24+20): Williams (23), Dangubic (9), Lazic (2), Mitrovic (10), Marjanovic (12)-hasierako boskotea-, Blazic (11), Zirbes (9), Jovic (4), Jenkins (5), Kalinic (5).
82 Laboral Kutxa (18+27+18+19): James (13), Causeur (10), San Emeterio (9), Shengelia (2), Iverson (5)-hasierako boskotea-, Heurtel (8), Bertans (16), Begic (2), Vujacic (3), Tillie (14), Diop.
Zure interesekoa izan daiteke
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.
Asisa Joventut vs Kosner Baskonia final-laurdenetako play-offeko bigarren partidaren laburpena (82-63)
Paolo Galbiatiren taldeak ezin izan du kanporaketa bigarren partidan itxi, eta igandean Buesa Arenan final bat jokatuko du. Gaizki hasi du jokoa Gasteizko taldeak, eta gero ezin izan diote buelta eman partidari. Ikusi hemen partidako laburpena.
Kosner Baskoniak galdu egin du Badalonan (82-63), eta hirugarren partida jokatu beharko du
Paolo Galbiatiren taldeak partida hasiera kaskarra izan du, eta ondo ordaindu du partida osoan. Horrela, kanporaketa Buesa Arenan erabakiko da, igandean.
Kosner Baskonia vs Asisa Joventut final laurdenetako play-offeko lehen partidaren laburpena (85-71)
Paolo Galbiatiren taldeak, Errege Koparen txapeldunak, aurrerapausoa eman du finalerdietara heltzeko, eta ostiralean Badalonako Olinpic pabiloian txartela lortzeko aukera du. Jokalariek behar bezala jardun dute; Timothe Luwawu-Cabarrotek egindakoa nabarmentzekoa da, besteak beste.
Joventutek gogor jardun du baina Kosner Baskoniak eutsi egin dio, eta aurreneko kolpea eman du (85-71)
Galbiatiren gizonek 21-5eko partziala lortu dute oso fisikoa izan den neurketaren azken txanpan. Eugene Omoruyiren eta Matteo Spagnoloren ekarpena berebizikoa izan da Joventuten defentsari aurre egiteko.
Paolo Galbiati: “Hurrengo denboraldian klubean jarraituko dut"
Kosner Baskoniako entrenatzaile italiarrak Gasteizko klubean jarraituko duela baieztatu du Unicaja Malagaren aurkako partidaren ostean. Galbiatik egunotan bere etorkizunaz sortu den "zarata guztia bertan behera utzi nahi" izan du, eta klubeko presidentearekin hitz egin ondoren, Gasteizko taldea entrenatzen jarraituko duela baieztatu du. "Oso pozik nago zaleekin sortu dudan konexioagatik", gaineratu du.
Galbiatik Baskonian jarraituko duela baieztatu du
Italiako entrenatzaileak zurrumurru guztiak isilarazi ditu baskoniarren aulkian jarraituko duela iragarrita.
Kosner Baskoniak bigarren postuari eutsi dio Unicajari irabazita (92-89)
Kosner Baskoniak Endesa Ligako bigarren postuari eutsi dio Unicaja Malaga 92-89 mendean hartuta liga erregularreko azken partidan.