Azken minutuetan markagailua irauliz nagusitu da Baskonia
Laboral Kutxak garaipen handia erdietsi du eguerdian Fuenlabradaren aurka Buesa Arenan, 77 eta 71 irabazita. Laugarren laurdenera arte atzetik ibili dira markagailuan, ezinean baina azken 10 minutuetan irauli egin dute markagailua.
Azken txanpa horretan, gasteiztarrek sei saskiratze sartu dituzte 6,75 metrotatik, eta horretan zeresan handia izan du Heurtelek, hiru hiruko sartu baititu berak. San Emeteriok ere beste bi hiruko eta Causeaurrek beste bat sartu du erremontada handiaren parte handia izanik.
Fuenlabradak ez du maite Buesa Arena, egin dituen hamabost bisitetako bakar bat ere ez baitu irabazi. Hala ere, partidan zehar, garaipena eskuan izan du.
Luis Casimiroren mutilen artean, Panko eta Baron izan dira protagonista hasieran, 7 eta 14ean jarri baitute markagailua, oraindik partidaren erritmoa aurkitzerik ez zuen Baskoniaren aurrean.
Horren aurrean, Navarrok lau aldaketa egin ditu jarraian. Gainera, ondo egin ere, aldaketek ondorio onak ekarri baititu. Alegia, 18 eta 17n jarri baitute markagailua; etxekoen alde.
Defentsan ere indarberritu egin dira Navarroren mutilak eta hobekuntza sumatu da hirugarren laurdena bukatzear zegoenean. Hala ere, 50 eta 54 batekin nagusi ziren madrildarrak. Eta, beraz, dena erabakitzear zegoen azken hamar minutuetan.
Burtt eta Pankoren joko zentzuduna Fuenlabradaren atxaldirik garrantzitsuena izan da, amaiera interesgarri bat eskaintzeko. Bost minutu falta zirenean, madrildarrak nagusi ziren 59 eta 64.
Baina San Emeterioren bi tripleek, Causeaurren batek eta Heurtelek hirurek mirariari ateak zabaldu dizkie, markagailua irauliz. Gainera, Casimiroren mutilek jokalari garrantzitsua galdu dute (Panko), bosgarren falta egin ondoren.
FITXA TEKNIKOA
Laboral Kutxa (18+10+22+27): Heurtel (13), Causeur (15), Bertans (6), Shengelia (8), Iverson (3) –hasierako bostekoa-, James (8), San Emeterio (8), Begic (6), Vujacic (6), Diop (0) y Tielle (4).
Fuenlabrada (17+20+17+17): Rodríguez, Baron (9), Panko (23), Clark (9), Akindele (9)-hasierako bostekoa-, Díaz (3), Diagné, Vega (5), Burtt (13), Miso.
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.