Laboral Kutxak porrot mingarria jaso du Istanbulen (98-64)
Laboral Kutxak Top 16ko lau onenen artean sailkatzeko aukera guztiak galdu ditu, Istanbulen Fenerbahçeren aurka galduta (98-64). Neurketan oso joko txarra ikusi da, eta markagailuan alde handia.
Hasieran ihes egin du Fenerbahçek, baina Laboral Kutxa piztu egin da eta sentsazio onak erakutsi ditu lehenengo laurdenean. Defentsan gaizki aritu da Fenerbahçe, eta Baskoniak aprobetxatu egin du. Istanbuleko taldeak ihes egin arren, Hodgeren saskiratze batek berdinduta utzi du markagailua: 24-24. Puntu gehiegi banatu dira lehenengo laurdenean.
2. laurdenean, hala ere, oso galduta atera da Baskonia. Ezinean aritu da, Fenerbahçeren jokaldiak ezin defenditu. Hainbeste nahastek aldea nabarmen handitu dute. Etxeko taldeak 20 bat puntu gehiago egin ditu 2. laurdenean, Baskoniaren defentsaren antolaketa txarrari esker. Arabarrak esnatu direnerako, ezin izan dute aldea txikitu, eta partida atsedenaldira heldu denerako alde handia zegoen markagailuan.
Ez batak ez besteak ez dute neurketa ona jokatu: fisikoki justu aritu dira, jokalari garrantzitsuen lesioak nabaritu dituzte, eta biek egin dizkiote opariak aurkariari. Zailtasun handiak erakutsi ditu Laboral Kutxak jokoa antolatzeko. Baskonia ez da hutsak egiten bakarra izan, baina Fenerbahçek 2. zatian aldea kudeatzen asmatu du, eta baita handitu ere.
Hondamendia bukaerara arte luzatu da, eta azkenean Gasteizko taldeak bere historian Euroligan inoiz lortu duen markagailu okerrenetakoa lortu du; beste bi partidatan baino ez du alde handiagoarekin galdu. Laboral Kutxak partida bakarra irabazi du sei jardunalditan, eta hurrengo fasera igarotzeko aukera guztiak galdu ditu.
FITXA TEKNIKOA
98 - Fenerbahçe Ulker: McCalebb (13), Preldzic (8), Bogdanovic (17), Kleiza (10), Zoric (13) -hasierako bostekoa-, Bjelica (14), Onan (9), Mahmutoglu (9), Birsen, Turkyilmaz (5), Olmaz.
64 - Laboral Kutxa: Hodge (13), Jelinek (5) San Emeterio (7) Nocioni (8), Pleiss (14) -hasierako bostekoa-, Van Oostrum, Causeur (6), Hanga (3), Mainoldi (3), Diop (5).
Partzialak: 30-24, 29-14, 23-17, 16-9.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.