Laboral Kutxa finalerdietatik kanpo geratu da (74-73)
Laboral Kutxak porrot mingarria jaso du Malagan, Errege Kopako final-laurdenetan. Scarioloren mutilek puntu bakar bategaitik galdu dute Valentzia egungo azpitxapeldunaren aurka (74-73).
Gasteiztarrek ederto hasi dute partida; erasoan erraz aritu dira, eta, ondorioz, erraz zabaldu dute aldea markagailuan. 11 puntuko abantaila ere izan dute. Valentziari kosta egin zaio biko saskiratzeak egitea; 8. minutura arte hirukoak sartuta eutsi diote nola edo ahala arabarren erritmoari. Laurdena 17 eta 26ko emaitzarekin amaitu da.
Bigarren laurdenaren hasieran, gauzak zertxobait orekatu dira. Valentziak hobera egin du eta aldea murrizten joan da, gasteiztarren lasaitasuna aprobetxatuta. Gauzak horrela, bost puntura jartzea lortu dute (23-28), baina boladak ez du jarraipenik izan: Nocionik eta Pleissek taldea partidan sartu dute berriro. Atsedenaldian, 35 eta 45 izan dira aurretik.
Hirugarren laurdenean gauzak gutxi aldatu dira. Valentziak aldea berriro murriztea lortu du (48-51), Lafayette-Ribas bikotearen lanari esker. Baina Baskonia berriro suspertu da eta zazpi puntuko abantailarekin eman dio hasiera azken laurdenari (55-62).
Azken laurdena, erabakigarria
Valentzia arabarrak baino gehiago izan da azken 10 minutuetan. Pleiss kanporatu egin dute eta erasoko errebotean jaun eta jabe izan dira. Ondorioz, 71 eta 69 aurreratu dira, bigarren aldiz jarri dira aurretik, hasierako 3 eta 2koaren ostean.
Bukaeran urduritasuna eta emozioa izan dira nagusi. Laboral Kutxak bi puntuko aldea izan du amaierarako (71-73) amaierarako 41 segundoren faltan. Baina Lafayetten saskiratze batek eta San Emeterioren faltak finalerdietan sartzeko aukera guztiak uxatu dituzte: 74-73.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.