Baskonia Koparako sailkatu da, Fuenlabradan galdu arren
Laboral Kutxa Errege Kopa jokatzeko sailkatu da, Fuenlabradaren aurkako partida galdu arren (74-73). Andy Pankoren hiruko batek, muga-mugan, garaipena eman dio etxeko taldeari. Hala ere, Tenerifek, Cajasolek eta Joventutek galdu dutenez, Laboral Kutxak Kopa jokatuko du.
Fuenlabradako Andy Panko izan da saskiratzaile onena, 19 puntu lortuta. Balorazio altuena, aldiz, Baskoniako Tibor Pleiss jokalariak jaso du, 18 puntu eta 8 errebote lortuta.
Bakar batek ere ez du neurketaren nagusitasuna izan. Aurkarien porrotak ezagututa kantxaratu da Laboral Kutxa, eta bazekien sailkapena oso gertu zuela. Berdinduta heldu dira partidaren bukaerara.
Laugarren zatian, Fuenlabradak hobeto jokatu du. Baskonian, gainera, Hamiltonek ez du asko asmatu, eta Hanga kanporatu du epaileak, hiru falta 4 minutuan egin ostean. Amaieran, baina denbora barruan, azken hirukoa sartu du Pankok, eta garaipena eman dio Fuenlabradari, puntu bakar batengatik (74-73). Baskonia, hala ere, Malagako Kopan egongo da.
FITXA TEKNIKOA
74. Fuenlabrada (16+23+18+17): Perez (2), Paunic (14), Panko (19), Vega (-), Diagne (-) -hasierako taldea-, Feldeine (19), Vargas (2), Cabezas (3), Montañez (4) eta Arnold (11).
73. Laboral Kutxa (23+18+14+18): Heurtel (9), Casseur (3), San Emeterio (14), Mainoldi (-), Pleiss (18) -hasierako taldea-, Nocioni (14), Jelinek (4), Hanga (4), Poeta (4) eta Hamilton (3).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.