Laboral Kutxak garaipen batekin amaitu du Euroligako lehen fasea
Laboral Kutxa Baskoniak garaipen batekin itxi du Euroligako lehen fasea. Arabarrek 84 eta 71 irabazi dute Buesa Arenan Lokomotiv Kubanen aurka jokatutako partida. Ondorioz, Top 16aren E multzoan lehiatuko dira.
Tentsioa falta izan zaie bi taldeei lehen laurdenean. Bi taldeetako jokalariak lasai asko aritu dira, eta lasaitasun horrek eragina izan du saskiratzeen portzentajean. 6na eta 13na egin ostean, Lokomotivek partidaren kontrola hartu du eta 2 eta 9 partziala eginda, 15 eta 22 aurreratu da. Lehen 10 minutuen amaieran, errusiarrek 7 puntuko abantaila izan dute: 20-27.
Aldaketa gutxi izan da bigarren laurdenean. Baskoniak partidan sartu gabe jarraitu du, eta Lokomotivek, berriz, erraz jokatu du, ahalegin handirik egin gabe. Gauzak horrela, Pashutinen gizonek aldea handitzea lortu dute. Atsedenaldirako 2 minuturen faltan izan dute abantailarik handiena, 12 puntukoa (31-43). Lehen zatia, 41 eta 47 amaitu da.
Bigarren zatiaren hasieran iritsi da arabarren hobekuntza. Bi aldiz lau puntura jarri dira, baina bietan errusiarrek alde egin diete berriro. Baina hirugarrenean bai, lortu dute, lau puntu alde psikologiko hori gainditzea. Hamiltonen bi hirukok puntu bakar batera jarri ditu laurdenaren amaieran: 57-58.
Azken laurdenean izan dute gasteiztarrek benetako erreakzioa. Hasi eta berehala aurretik jarri dira (hirugarrenez, lehenengo biak lehen laurdenean izan dira), eta, defentsako errebotean egindako hobekuntzari esker, aldea zabaltzea lortu dute amaierako 84 eta 71era iritsi arte.
Emaitza horren ondorioz, arabarrek multzoko bigarren postuan amaitu dute lehen fasea, eta Top 16ko E multzoan lehiatuko dira, ondorengo taldeekin batera: Fenerbahçe Ulker Istanbul (TUR), Olympiacos (GRE), EA7 Emporio Armani Milan (ITA), FC Bartzelona, Unicaja, Anadolu Efes Istanbul (TUR) eta Panathinaikos (GRE).
Fitxa teknikoa:
84 - Laboral Kutxa (20+21+16+27): Heurtel (6), Jelinek (12), San Emeterio (3), Bjelica (15), Pleiss (6)-hasierako boskotea-, Hodge (3), Hamilton (14), Mainoldi (2), Causeur (3), Nocioni (11), Hanga (9).
71 - Lokomotiv Kuban (27+20+11+13): Williams (19), Brown (7), Kalnietis (13), Jasaitis (5), Maric (2)-hasierako boskotea-, Hendrix (2), Simon (12), Likhodey (7), Zubkov (2), Grigoryev (2), Zhukanenko.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.