Laboral Kutxa Europako 16 onenen artean sartu da
Laboral Kutxa Baskonia Euroligako 16 talde onenen artean sartu da, lehen fasea amaitzeko bi partida falta direnean. Gasteiztarrei, hala ere, kosta egin zaie Lietuvos multzoko azken sailkatuari gailentzea.
Oreka izan da nagusi lehen laurdenean. Lituaniarrek aurrea hartu dute markagailuan 0 eta 6, baina gasteiztarrek aldea murriztea lortu dute minutu gutxitan. Baskoniak lan bikaina egin du defentsan eta gauzak asko zaildu dizkio multzoko azkenari erasoan, baina Lietuvos ez da atzean geratu. 18-17 amaitu da lehen laurdena, Hamiltonek azken segundoetan sartutako hirukoari esker.
Bigarren laurdenean bazirudien Laboral Kutxak aldea zabaldu behar zuela (28-24 jarri da auuretik atsedenaldirako 4 minutura) baina azkenean talde lituaniarra izan da atsedenaldira abantailarekin iritsi dena: 30-38. Zortzi puntuko aldea zabaldu dute azken minutuan.
Atsedenaldiaren ostean, 15 eta 2ko partziala egin dute Scariolorenek eta 45 eta 40 jarri dira aurretik. Hala ere, Lietuvosek bereari eutsi dio eta 49ra berdintzea lortu du. Baloi asko galdu dituzte arabarrek eta horrek min handia egin die. Dena den, 53 eta 49 nagusitu dira hirugarren laurdenean.
Azken laurdenean eman dute behin betiko kolpea arabarrek. 18 puntuko aldea zabaltzea ere lortu dute, aurreko laurdenetan lortu ez dutena. Eta lituaniarrek, orain bai, amore eman dute. Azkenean, 79-63 Laboral Kutxaren alde.
Jardunaldia borobiltzeko, Izar Gorriak galdu egin du Panathinaikosen etxean jokatutako neurketa eta horrek matematikoki sailkatu ditu arabarrak 16 onenen artean.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.