Laboral Kutxak jipoia jaso du Real Madrilen eskutik
Laboral Kutxa Baskoniak jipoia jaso zuen Real Madrilen aurka jokatu zuen partidan. Madrilgo taldeak 105-72ko emaitzarekin lortu zuen garaipena, erakustaldia emanda.
Pablo Lasok zuzentzen duen taldeak bikain ekin zion partidari 15-5eko partzialarekin, baina Baskoniaren erantzuna azkar etorri zen. Arabako taldeak gaizki ekin zion norgehiagokari, baina aldeak murriztea lortu zuen (16-15), eta, ondoren, aurrea hartu zuen (16-17). Dena den, Real Madril izan zen lehen laurdena abantailarekin bukatu zuen (26-25).
Bigarren laurdenean, Carrollek erakustaldia eman zuen hiruko jaurtiketetan, eta Real Madrilek abantaila hartu zuen. Laboral Kutxa ezinean ibili zen laurden honetan, eta norgehiagoka Real Madrilen aldeko 58-42ko emaitzarekin iritsi zen atsedenaldira.
Hirugarren laurdenean, Baskonia aldeak murrizten saiatu zen, baina Real Madril ez zegoen txantxetarako, eta Pablo Lasok zuzentzen duen taldeak garaipena guztiz bideratuta utzi zuen. Real Madrilek 22 puntuko abantaila lortu zuen hirugarren laurdenean (82-60).
Azken laurdenean, Real Madrilek festa biribildu zuen. Etxeko taldeak eroso jokatu zuen, eta erakustaldia eman zuen bere zaleen aurrean. Baskoniak ezer gutxi egin ahal izan zuen aurkariaren joko bikaina gelditzeko. Azkenean, 105-72ko emaitzarekin irabazi zuen partida Real Madrilek.
Fitxa teknikoa:
105 - Real Madril (26+32+24+23): Rudy (11), Diez, Mirotic (13), Llull (8) eta Bourousis (13) –hasierako bostekoa–, Draper (1), Reyes (6), Rodríguez (14), Carroll (25), Darden (2), Slaughter eta Mejri (12).
72 - Laboral Kutxa (25+17+18+12): Nocioni (15), Hodge (6), San Emeterio (4), Pleiss (25) eta Causeur (6) –hasierako bostekoa–, Van Oostrum, Diop (2), Heurtel (12), Kelati eta Jelinek (2).
Epaileak: Juan C. Arteaga, Lluis Guirao eta Juan J. Martinez.
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.