Caja Laboralek garaipena lortu du Besiktasen aurka
Caja Laboral Baskoniak garaipena lortu du Besiktasen aurka (73-83), eta Euroligako Top 16an zeraman bolada txarrari amaiera eman dio. Bost porrot jarraian zeramatzan Zan Tabakek zuzentzen duen taldeak.
Partida hasiera parekatua izan da, baina bosnako (5-5) berdinketa eman den unetik, Baskonia nagusitzen hasi da. Arabako taldeak abantaila polita lortu du (16-8), eta lehen hamar minutuak zortzi puntuko aldearekin bukatzea lortu du (10-18).
Bigarren laurdenean erabat nagusi izan da Caja Laboral. Hasieratik jaun eta jabe izan da Baskonia, eta hamazpi punturainoko aldea izatera iritsi da (10-27). Ondoren, Besiktasek aldeak pixka bat murriztea lortu du (15-29), baina Caja Laboralek berera jarraitu du, eta hogei puntuko aldea lortu du atsedenaldira iristean (23-43).
Atsedenaldia ondo etorri zaio Turkiako taldeari. Indartsu kantxaratu du Besiktas hirugarren laurdenean, eta aldeak asko murriztea lortu dute turkiarrek. Hogei puntuko desabantaila izan du Besiktasek, baina laurdenaren azken txanpan bi puntura jarri da etxeko taldea (43-45). Azken minutuetan Baskoniak erritmoa bizitu du, eta hirugarren laurdena 50-58ko emaitzarekin amaitu da.
Azken laurdenak ez du kolorerik izan. Zan Tabaken mutilak laurdenaren hasieran utzi nahi izan dute partida erabakita, eta helburua bete dute. Azkar hartu du abantaila Caja Laboralek, eta hamar puntuko aldearekin irabazi du partida (73-83).
Fitxa teknikoa:
73 - Besiktas (10+13+27+23): Minard (14), Ozer (13), Cetin (3), Akin (4), Vidmar (18)-hasierako bostekoa-, Guler (3), Falker, Markota (13), Christopher (5), Acik.
83 - Caja Laboral (18+25+15+25): Heurtel (3), Causeur (6), San Emeterio (10), M. Bjelica (2), Lampe (14)-hasierako bostekoa-, Cook, Nocioni (22), Pleiss (15), N. Bjelica (11).
Epaileak: Pukl (SLO), Ryzhyk (POL), Koromilas (GRE).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.