Caja Laboralek asko sufritu du garaipena lortzeko
Baskoniak garaipen garrantzitsua lortu du Manresaren aurka (95-101), eta Arabako taldeak bolada onarekin jarraitzen du. Lehenengo zatian Zan Tabaken mutilak nagusi izan dira, kantxan, baina atsedenladiaren ostean Kataluniako taldeak erantzuna eman du, eta partida luzapenera joan da. Maciej Lampe poloniarrak ederki gidatu du taldea luzapenean.
Caja Laboral Baskoniak norgehiagoka oso ondo hasi du defentsan, eta Lampek eta Milko Bjelicak lan bikaina egin dute taula azpian. Zan Tabaken mutilak aurreneko laurdenean jaun eta jabe izan dira, eta markagailuan 15-20 goitik jarri dira.
Bigarren laurdenean Kataluniako taldeak erasoan intentsitate gehiago ezarri du, baina Baskoniak ere erasoan sakatzen jarraitu du. Lampe nagusi izan da kantxan, eta Arabako taldea markagailuan goitik mantendu da (34-38).
Atsedenaldiaren ostean Olesonek ondo gidatu du Caja Laboralen erasoa, baina Manresak markagailua estutu du (54-56). Ponsarnauren mutilek 56-56koa jartzea lortu dute, baina Cookek eta Pleissek Baskonia, berriz ere, markagailuan goitik jarri dute (58-61). Hala ere, hirugarren laurdena 62-61ekoarekin bukatu da.
Azkeneko laurdenean Kataluniako taldeak markagailua irauli du, berriz ere, Troy Devriesen hiruko ikusgarri bati esker (70-69), eta Manresak agindu egin du kantxan. Norgehiagokako azkenengo minutuan Fernando San Emeteriok partida berdindu ein du hiruko batekin (81-81), eta jarraian, kantabriarrak bi jaurtiketa libre sartu ditu (81-83). Hala ere, Adam Hangak 83-83koa jarri du, eta partida luzapenera joan da.
Luzapenean Caja Laboral Baskonia nagusi izan da, eta Maciej Lampek erakustaldia eman du taula azpian (83-92). Zan Tabaken mutilek ederki erabaki dute neurketa, eta bolada onarekin jarraitzea lortu dute (95-101).
Fitxa teknikoa:
95 - MANRESA (15+19+28+21+12): Rodriguez (11), DeVries (23), Hanga (12), Yanev (5), Asselin (14) -hasierako bostekoa-, Arco (5), Arteaga (8), Ramsdell (13), Palsson (4), Hernández eta Pardina.
101- CAJA LABORAL (20+18+23+22+18): Heurtel (5), Oleson (12), San Emeterio (16), Milko Bjelica (4), Lampe (23) -hasierako bostekoa-, Pleiss (6), Nemanja Bjelica (18), Causeur (6), Nocioni (5), Cook (6) eta Cabezas.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.