Caja Laboralek Besiktas anarkikoa jipoitu du Buesa Arenan
Caja Laboral Baskoniak garaipen erosoa (77-51) lortu du gaur Besiktasen aurrean, Euroligako Top 16an. Horrela, arabarrek hamalaugarren garaipena jarraian eskuratu dute. Partidak ez du historiarik izan, Turkiako taldea ezinean aritu delako.
Caja Laboralek ederto hasi du partida erasoan, eta lehen laurdenean nagusi izan da. Turkiako taldea, ostera, erasoan kamuts aritu da, eta defentsan oso ahul azaldu da. Horrela, arabarrek Besiktasen ahultasuna aprobetxatu dute eta 25-2 partziala sartu diote aurreneko minutuetan.
Turkiako taldearen entrenatzaileak hutsartea eskatu du eta hondamendia konpontzen saiatu da, baina ez du eragin handirik izan eta lehen partzialean abantaila polita lortu dute gasteiztarrek (27-7).
Bigarren laurdenean Besiktasek zertxobait hobetu du bere jokoan, baina ez da nahikoa izan Zan Tabaken taldea estutzeko, arabarrek aldea ongi kudetu baitute (45-24). Besiktas talde oso anarkiko bat bezala azaldu da lehen zatian.
Atsedenaldiaren ostean, lehen zatian bezalaxe, errebotean izan den aldeak partida erabat markatu du. Tabaken jokalariak taula azpiko jokoan nagusi izan dira (63-35). Arabarrek ikaragarri hobetu dute errebotean entrenatzaile berriarekin.
Azken laurdenak Baskoniaren paseoa baieztatu du. Besiktas markagailua apaintzen saiatu da, baina gogo handirik gabe.
Fitxa teknikoa:
77 - Caja Laboral (27+18+18+14): Heurtel (6), Oleson (13), Nocioni (2), M. Bjelica (12), Lampe (12)-hasierako bostekoa-, Cook, Causeur (5), San Emeterio (5), Pleiss (12), N. Bjelica (5), Cabezas
(5), Calbarro.
51 - Besiktas (7+17+11+16): Jerrells (10), Christopher (4), Guler, Nalga (2), Markota (2)-hasierako bostekoa-, Ewing (12), Falker (7), Cetin (3), Hersek, Akin (5), Ozer (6).
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.