Lointek Gernikak nagusitasunez garaitu du Kutxabank Araski euskal derbian

Lointek Gernika Bizkaia nagusi izan da hasieratik amaierara, eta 93–61 garaitu du Kutxabank Araski Malosten jokatutako euskal derbian.

Lehen laurdenean neurketa parekatua izan da (21–19), bi taldeek intentsitate handiz ekin baitiote partidari. Hala ere, bigarren laurdenean etxekoek erritmoa areagotu dute, kanpoko jaurtiketetan asmatu eta defentsan sendo aritu dira. Atsedenaldirako alde nabarmena irekitzea lortu dute.

Bigarren zatian, Lucas Fernandezen taldeak errebotea kontrolpean izan du, eta kontraerasoan min handia egin du. Araskik une jakin batzuetan erreakzionatzen saiatu bada ere, ez du erritmoari eusterik lortu eta aldeak handitzen joan dira markagailuan. 

Talde arabarra ezinean erasoan, defentsan makal eta jaurtiketa libretan asmatu ezinik, partida hautsi egin da (62-40). Gasteizko taldearen susperraldia ez da iritsi, eta hirugarren laurdena 24 puntuko aldearekin amaitu da (69-45).

Gidoiak ez du aldatu, eta Lointek Gernika Bizkaiak nahieran jokatu du azkenekoz. Etxeko taldea nagusi izan da partida osoan zehar, eta horren isla markagailua izan da, 93-61.

Garaipenak arnasa eta konfiantza ematen dion Gernikari sailkapenean; Araskik, berriz, hurrengo jardunaldietan sendotasuna berreskuratu beharko du.

IDK Euskotren garaile, Cadi La Seuren aurka(42-77)

IDK Euskotrenek garaipen sendoa eskuratu zuen atzo Cadi La Seuren kontra (42-77). Donostiako taldeak hasieratik hartu zuen neurketaren kontrola, erritmo bizia ezarriz eta defentsa sendoa erakutsiz.

Lehen laurdenetik bertatik alde nabarmena ireki zituen IDKk, eta alde hori handitzen joan zen aurrera egin ahala. Talde-lana eta intentsitatea izan ziren garaipenaren gako nagusiak: defentsan sendo, errebotean nagusi eta erasoan eraginkor.