Bilbao Basketek Gipuzkoa Basket menderatu du, 96-73, Askatuak klubaren 50 urteak ospatu dituen lagunartekoan
Surne Bilbao Basketek Inveready Gipuzkoa Basket hartu du mendean, 96-73, asteazkenean, Donostiako Josean Gasca pabiloian jokatutako lagunarteko partidan. Neurketa horren bidez, bi taldeek, alde batetik, hastear den denboraldiari begirako prestaketa doitu dute, eta, bereziki, Askatuak kluba omendu egin dute; izan ere, Donostiako klub historikoa 50. urteurrena ari da ospatzen.
Hala, Bilbao Basketek eta Gipuzkoa Basketek ikuskizun polita eman diete Gascan bildutako zaleei. Hirugarren laurdenera arte, berdintasuna izan da nagusi; lehen laurdenaren amaieran, Jaume Ponsarnauren taldea 25-22 ari zen gailentzen, eta atsedenaldian Bilboko taldeak bi puntuko aldea zuen bere alde, 48-46koan. Hirugarren laurdenean, Bilbao Basketek 21-13ko partziala lortu du egitea, eta azken hamar minutuetan nabarmen gehiago izan da Endesa Ligako taldea; azkenean, arestian esan bezala, 96-73.
Atsedenaldian, Gascaren kantxan, omenaldi hunkigarria jaso dute Askatuakekin lotutako hainbat lagunek. Gogoratzeko modukoa da nola, hain zuzen ere, Josean Gascak sortu zuen, duela 50 urte, Askatuak kluba.
Zure interesekoa izan daiteke
Surne Bilbaok luzapenean irabazi dio Granadari (84-88)
Surne Bilbaok garaipena lortu du larunbat honetan Granadako Kirol Jauregian (84-88), luzapenean, 11 porrot jarraian jaso dituen Coviranen aurka, Endesa Ligako azken postuan jarraituko duena.
Atsedenaldiak ez dio onik egin Baskoniari Fenerbahceren aurka (84-71)
Beste porrot gogor batekin, Gasteizko taldea atzean geratu da play-inean sartzeko lehian.
Surne Bilbaok Sporting CP menderatu du Lisboan (72-90), eta FIBA Europe Cupeko final laurdenetarako sailkatu da
Bilboko taldea argi gailendu zaio aurkariari, eta, horrenbestez, txapelketako hurrengo fasean izango da.
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Panathinaikosen aulkiak Kosner Baskonia erraz garaitu du Atenasen (93-74)
Toliopoulos eta Samodurov izan dira, ustekabean, saskiratzailerik onenak etxekoen alde laster desorekatu den norgehiagokan, Holmesi esker lehen zatian, eta Sloukasi esker, bigarrenean.
Kosner Baskoniak Panathinaikos bisitatuko du, astearte honetan, Euroligan
Greziako taldea zortzigarren postuan dago, txapelketako 22 jardunaldi jokatu ostean. Kosner Baskoniak Errege Kopan izango dela baieztatu ostean jokatuko du Panathinaikosen aurka.
Endesa Ligako 16. jardunaldiko 10 jokaldi onenak
Endesa Ligako hamaseigarren jardunaldia jokatu da, eta hemen bildu ditugu ligako hamar jokaldi onenak.
Kosner Baskoniak Koparako txartela lortu du Manresaren aurka (130-85)
Kosner Baskoniak Errege Kopa jokatzeko txartela lortu du igande honetan, BAXI Manresa 130-85 menderatuta, eta markak hautsi ditu, Baskoniak inoizko puntu gehien eta hiruko gehien sartu baititu.
Lointek Gernikak irabazi, eta IDK Euskotrenek eta Kutxabank Araskik galdu
Lointek Gernika Bizkaiak garaipen baliotsua lortu du Duran Maquinaria Ensinoren aurka (84-69). Bestalde, IDK Euskotrenek ezin izan du garaipena lortu Palau Olímpic Badalonan (75-57), eta Kutxabank Araskik porrota jaso du Spar Gironaren aurka (65-78).
Surne Bilbao nagusi izan da Teneriferen aurka Miribillan (95-78)
Surne Bilbaok 95-78 irabazi dio La Laguna Teneriferi larunbat honetan Miribillan, Bilbao Arenako kantxan nagusitasun argia erakutsiz.