Bartzelonak irabazi du Endesa Liga, Real Madrilen aurka hirugarren garaipena lortuta (82-93)
Bartzelonak irabazi du Endesa Liga, Real Madrili finaleko play-offeko hirugarren partida 82-93 irabazita. Horrenbestez, kataluniarrek 3-0eko emaitza lortu dute play-offean, eta Nikola Mirotic jokalariak bere taldeari agur esateko lortu nahi zuen titulua eskuratu dute.
WiZink Center pabiloia jendez lepo zegoela, Bartzelona 0-4 aurreratu da partidaren hasieran, baina Real Madrilek hasierako alde hori iraultzea lortu du Dzanan Musaren hirukoari eta Guerschon Yabuseleren birrintzeari esker.
Lehen zatia 21-20 galtzen amaitu arren, Bartzelonako jokalariek madrildarrei nola jokatu asmatu dute, eta 22-29 jarri dira ondoren.
Minutuek aurrera egin ahala, madrildarrek markagailua parekatzea (36-36) lortu dute Llullen hirukoari esker, atsedenaldirako bi minuturen faltan. Caseurrek etxekoen alde jarri du markagailua, urrutitik egindako jaurtiketa batekin (39-36).
Hirugarren laurdenean, Bartzelona aurretik jarri da berriro, 52-57. Partidak, hala ere, zabalik jarraitu du, eta bi taldeen arteko lehia estua izan da laugarren laurdenera arte. Azken 10 minutuei 62-61eko emaitzarekin ekin diote.
Azken laurdenean, Bartzelonak partida eta finala erabaki du, Real Madril asmatu ezinik aritu den bitartean. Ondorioz, Bartzelonak erdietsi du garaipena, 82-93, eta, bide batez, liga txapelketa poltsikoratu du.
Mirotic, jokalaririk onena
Nikola Mirotic Bartzelonako jokalaria finaleko jokalaririk onena izendatu dute.
Astearte honetako partidan, 14 puntu, 5 errebote eta 2 asistentzia lortu ditu 17ko balorazioa eskuratzeko. Aurretik, finaleko lehen partidan, 14 puntu, 7 errebote eta asistentzia 1 egin zituen, eta bigarrenean, 25 puntu, 5 errebote eta 3 asistentzia.
Fitxa teknikoa
82-. Real Madril: Williams-Goss (4), Hanga (4), Musa (9), Yabusele (10) eta Tavares (19); Sergio Rodríguez (3), Hezonja (7), Causeur (11), Llull (8), Rudy Fernández (-) eta Poirier (7).
93-. Barça: Satoransky (8), Laprovittola (12), Abrines (2), Mirotic (14) eta Vesely (21); Sanli (6), Kalinic (10), Kuric (3), Jokubaitis (13), Nnaji (2) eta Da Silva (4).
Partzialak: 21-20, 20-18, 25-29, 16-26.
Epaileak: Peruga, Jimenez eta Torres. Ez dute inor kanporatu.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka, jokatuko du ostegunean, Euroligan, Sarajevon
Paolo Galbiatiren taldearen aurkariak Bosniako hiriburuan jokatzen du etxeko partidak, Ekialde Erdikoan dagoen gerra egoerarengatik. Dubaik lau garaipen jarraian lortu ditu Euroligan, eta txapelketan jarraitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.