Gipuzkoa Basketek agur esan dio Endesa Ligari, Baskoniaren aurka porrota jasota
Acunsa GBC taldea Urrezko LEB Mailara jaitsi da ostegun honetan TD Systems Baskoniaren aurka porrota (63-81) jaso ostean Endesa Ligako 35. jardunaldiko partidan. Gipuzkoa Basketek agur esan dio Endesa Ligari.
Lehen laurdenean jaun eta jabe izan da Baskonia. Arabako taldea abantaila hartzen hasi da bigarren minututik aurrera eta bosgarren minutuan 8 puntuko errenta eskuratu du (5-13). Ondoren, areagotu egin da Ivanovicek zuzentzen duen taldearen nagusitasuna, eta 20 puntuko abantaila eskuratu du (9-29) lehen hamar minutuen amaieran.
Bigarren laurdenean erabat aldatu da partidaren gidoia. Gipuzkoa Basketek asko hobetu du, eta, pixkanaka desabantaila murrizten hasi da. Acunsa GBC taldeak 17 puntu jarraian lortu ditu, eta hiru puntura gerturatu da (26-29) bost minututan. Baskoniak sei minutu baino gehiago eman ditu saskiratze bat sartu gabe. Azken txanpan, talde gasteiztarrak puntuak lortu ditu, eta neurketa arabarren aldeko 32-38ko emaitzarekin heldu da atsedenaldira.
Atsedenaldiaren ostean, berriro nagusi izan da Baskonia. Gipuzkoa Basketek ezin izan dio aurkariak jarritako erritmo biziari eutsi, eta talde bisitaria markagailuan zuloa irekitzen hasi da. Hamasei puntuko abantaila izan du TD Systems Baskoniak (35-51), baina hirugarren laurdenaren azken txanpan Acunsa GBCk aldeak murriztea lortu du (42-51).
Laugarren eta azken laurdenean, Baskoniaren nagusitasuna erabatekoa izan da. Gasteizko taldeak nahiko eroso jokatu du azken hamar minutuetan, Gipuzkoa Basket ezinean ibili da, eta norgehiagoka TD Systems Baskoniaren garaipenarekin (63-81) amaitu da.
Fitxa teknikoa:
63 - Acunsa Gipuzkoa Basket (9+23+9+22): Fagiano, Tomas (7), Radoncic (12) eta Dee (13), Okouo (14) -hasierako taldea- Carlson (4), Span (11), Olaizola (2) eta Motos.
81 - TD Systems Baskonia (29+9+14+29): Jekiri (5), Henry (14), Polonara (23), Kurucs (7) eta Giedratis (17) -hasierako taldea- Dragic (4), Raieste, Diop (2), Sederkeskis (7), Raieste, Colom (2), Massenat eta Savkov.
Epaileak: Miguel Angel Perez, Sergio Manuel eta Roberto Lucas. Olaizola kanporatu dute, bost falta egiteagatik.
Zure interesekoa izan daiteke
Surne Bilbaok luzapenean irabazi dio Granadari (84-88)
Surne Bilbaok garaipena lortu du larunbat honetan Granadako Kirol Jauregian (84-88), luzapenean, 11 porrot jarraian jaso dituen Coviranen aurka, Endesa Ligako azken postuan jarraituko duena.
Atsedenaldiak ez dio onik egin Baskoniari Fenerbahceren aurka (84-71)
Beste porrot gogor batekin, Gasteizko taldea atzean geratu da play-inean sartzeko lehian.
Surne Bilbaok Sporting CP menderatu du Lisboan (72-90), eta FIBA Europe Cupeko final laurdenetarako sailkatu da
Bilboko taldea argi gailendu zaio aurkariari, eta, horrenbestez, txapelketako hurrengo fasean izango da.
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Panathinaikosen aulkiak Kosner Baskonia erraz garaitu du Atenasen (93-74)
Toliopoulos eta Samodurov izan dira, ustekabean, saskiratzailerik onenak etxekoen alde laster desorekatu den norgehiagokan, Holmesi esker lehen zatian, eta Sloukasi esker, bigarrenean.
Kosner Baskoniak Panathinaikos bisitatuko du, astearte honetan, Euroligan
Greziako taldea zortzigarren postuan dago, txapelketako 22 jardunaldi jokatu ostean. Kosner Baskoniak Errege Kopan izango dela baieztatu ostean jokatuko du Panathinaikosen aurka.
Endesa Ligako 16. jardunaldiko 10 jokaldi onenak
Endesa Ligako hamaseigarren jardunaldia jokatu da, eta hemen bildu ditugu ligako hamar jokaldi onenak.
Kosner Baskoniak Koparako txartela lortu du Manresaren aurka (130-85)
Kosner Baskoniak Errege Kopa jokatzeko txartela lortu du igande honetan, BAXI Manresa 130-85 menderatuta, eta markak hautsi ditu, Baskoniak inoizko puntu gehien eta hiruko gehien sartu baititu.
Lointek Gernikak irabazi, eta IDK Euskotrenek eta Kutxabank Araskik galdu
Lointek Gernika Bizkaiak garaipen baliotsua lortu du Duran Maquinaria Ensinoren aurka (84-69). Bestalde, IDK Euskotrenek ezin izan du garaipena lortu Palau Olímpic Badalonan (75-57), eta Kutxabank Araskik porrota jaso du Spar Gironaren aurka (65-78).
Surne Bilbao nagusi izan da Teneriferen aurka Miribillan (95-78)
Surne Bilbaok 95-78 irabazi dio La Laguna Teneriferi larunbat honetan Miribillan, Bilbao Arenako kantxan nagusitasun argia erakutsiz.