Gipuzkoa Basketek porrota jaso du Estudiantesen aurka
Acunsa GBC taldeak porrota jaso du Movistar Estudiantesen aurka (80-61) jokatu duen Endesa Ligako zortzigarren jardunaldiko partidan. Talde gipuzkoarrak nahiko ondo jokatu ditu lehen hiru laurdenak, baina ezinean ibili da amaierakoan.
Parekatua izan da neurketaren hasiera, Acunsa GBC aurkaria baino pixka bat gehiago izan delarik. Hala ere, talde gipuzkoarrari kosta egin zaio abantaila hartzea, baina laurdenaren erdialdean lortu du zuloa irekitzea (9-15). Nagusi izan da Gipuzkoa Basket lehen laurdenaren azken txanpan eta 5 puntuko abantaila erdietsi du (13-18) lehen hamar minutuen amaieran.
Bigarren laurdenari hasiera bikaina eman dio Estudiantesek eta neurketa berdintzea lortu du (18-18). Ondoren, bost puntuko abantaila lortu du Gipuzkoa Basketek (18-23), baina Madrilgo taldea bi puntura gerturatu da laurdena bukatzeko minutu bakarra falta zenean (25-27). Hala ere, Acunsa GBC hiru puntuko errentarekin (27-30) iritsi da atsedenaldira.
Atsedenaldiaren ostean Estudiantesek neurketa berdindu du (31-31), jarraian aurrea hartu du Acunsa GBCk (31-34) eta hirugarren laurdenaren erdialdean puntu bat goitik kokatu da etxeko taldea (41-40). Laurden honen azken txanpan Estudiantes nagusi izan da, Gipuzkoa Basket ezinean ibili da, eta Donostiako taldea 7 puntuko desabantailarekin heldu da azken laurdenera (56-49).
Nicolak zuzentzen duen taldeak beherakada izan du amaierako hamar minutuetan. Ezinean ibili da Gipuzkoa Basket eta Estudiantesek eroso jokatu du. Madrilgo taldeak 19 puntuko abantailarekin lortu du garaipena (80-61).
Fitxa teknikoa:
80 - Movistar Estudiantes (13+14+29+24): Robertson (12), Gentile (30), Avramovic (4), Brown (12), Delgado (6) -hasierako taldea-, Vicedo (-), Arteaga (13), Cvetkovic (3), Giedraitis (-), Sola (-).
61 - Acunsa GBC (18+12+19+12): Faggiano (4), Francis (6), Tomas (8), Magarity (2), Echenique (20) -hasierako taldea- Dee (-), Okouo (6), Span (5), Radoncic (10), Oroz (-).
Epaileak: Alberto Baena, Javier Torres eta Emilio Perez. Kanporaturik gabe.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka, jokatuko du ostegunean, Euroligan, Sarajevon
Paolo Galbiatiren taldearen aurkariak Bosniako hiriburuan jokatzen du etxeko partidak, Ekialde Erdikoan dagoen gerra egoerarengatik. Dubaik lau garaipen jarraian lortu ditu Euroligan, eta txapelketan jarraitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.