Garaipen oso garrantzitsua lortu du Gipuzkoa Basketek Andorraren aurka
Delteco Gipuzkoa Basketek partida garrantzitsua irabazi du MoraBanc Andorraren aurka (76-87) eta aurrerapausoa eman du mailari eusteko lehian, denboraldiko 3. garaipena lortuta.
Neurketa parekatua izan da lehen minutuetan, baina hasierako bost minutuak gainditu ostean, etxeko taldea hasi da nagusi izaten. Andorrak zuloa ireki du markagailuan eta 6 puntuko abantaila eskuratu du lehen hamar minutuen amaieran (19-13).
Bigarren laurdenari ondo ekin dio Delteco Gipuzkoa Basketek eta laurdenaren erdialdera iritsi orduko puntu bakarrera gerturatu da (25-24). Jarraian, aurrea ere hartu du Donostiako taldeak (25-27), baina hortik aurrera nagusi izan da etxeko taldea eta MoraBanc Andorrak 8 puntuko errenta eskuratu du atsedenaldira iristean (42-34).
Atsedenaldia ondo etorri zaio Gipuzkoa Basketi. Delteco GBC taldeko jokalariak indartsu kantxaratu dira, eta atsedenaldira eraman duten desabantaila murrizteaz gain, aurrea hartu dute berriro (44-45) hirugarren laurdena bukatzeko 4 minutu falta zirenean. Hiru puntuko aldea ere eskuratu du Delteco GBC taldeak (50-53), baina azken laurdenera 4 puntuko desabantailarekin iritsi da (61-57).
Azken laurdenari bikain ekin dio Gipuzkoa Basketek. Erritmo bizia ezarri dio neurketari, defentsa sendotu du, eta erraz asmatu du aurkariaren saski aurrean; ondorioz, laurdenaren erdialderako 10 puntuko errenta eskuratu du (65-75). Azken txanpan gogotik ahalegindu da etxeko taldea aldeak murrizten, baina Gipuzkoa Basketek ondo eutsi dio abantailari eta garaipenak ez dio ihes egin (76-87).
Fitxa teknikoa:
76 - BC MoraBanc Andorra (19+23+19+15): Albicy (4), Dylan Ennis (16), David Walker (7), John Shurna (10) eta Moussa Diagne (4) -hasierako bostekoa-, Upshaw Jr. (7), Rafa Luz (2), Michele Vitali (4), David Jelínek (12), Oliver Stevic (4) eta Whittington (6).
87 - Delteco GBC (13+21+23+30): Dani Perez (3), Nevels (23), Corbacho (17), Beqa Burjanadze (2) eta Sekulic (9) -hasierako bostekoa-, Bobrov (4), Miquel Salvo (7), Jorge Gutierrez (9), Van Lacke (13) eta Xabi Beraza (-).
Epaileak: Dani Hierrezuelo, Martin Caballero eta Sanchez Sixto. Sekulic, Bobrov eta Miquel Salvo kanporatu ditu faltengatik.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka jokatuko du ostegunean Euroligan, Sarajevon
Paolo Galbiatiren taldearen aurkariak Bosniako hiriburuan jokatzen ditu etxeko partidak, Ekialde Erdikoan dagoen gerra egoerarengatik. Dubaik lau garaipen lortu ditu jarraian Euroligan, eta txapelketan segitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.