Gipuzkoa Basketek porrota jaso du Valentziaren aurka
Delteco GBC taldeak 77 eta 62 galdu du Valentziaren aurka Fontetan. Lehen hiru laurdenetan maila oso ona eman du Gipuzkoako taldeak, baina azken laurdenean aurkaria gehiago izan da.
Hasiera ona eman dio neurketari Gipuzkoa Basketek. Erritmo biziarekin eta aurkariaren saskian asmatuz hasi du lehia talde gipuzkoarrak eta abantailak hartzen hasi da (2-6). Etxeko taldeak erantzun egin du aldeak murriztuta, baina Delteco GBC ez da kikildu, berera jarraitu du, eta berriro errenta esanguratsuak lortu ditu, lehen hamar minutuak 12 puntuko abantailarekin amaitu dituelarik (16-28).
Bigarren laurdenaren hasieran ondo eutsi dio errentari Gipuzkoa Basketek, baina pixkanaka partidan sartzen hasi da Valentzia eta desabantaila murriztea lortu du (30-33). Gero, Delteco GBC taldeak 7 puntuko abantaila hartu du (30-37), baina 3 puntu goitik soilik heldu da atsedenaldira (34-37).
Atsedenaldiaren ostean, estutu eta parekatu egin da norgehiagoka. Valentziak defentsa gogortu du, eta Gipuzkoa Basketi kosta egin zaio saskiratzeak lortzea. Ondorioz, etxeko taldeak partida berdindu du (42-42) eta aurretik ere jarri da hirugarren laurdenaren azken txanpan (45-42). Laurdeneko azken minutuan kale egin du GBC taldeak saskiratzeak sartzerakoan eta Valentziak 6 puntuko abantaila eskuratu du (52-46).
Azken laurdenari oso gaizki ekin dio Gipuzkoa Basketek. Donostiako taldea Valentziak antolatutako defentsa gainditu ezinda ibili da, eta talde valentziarra aise nagusitzen hasi da; lehen lau minutuetan 19 puntuko errenta lortu du (67-48). Hortxe utzi du neurketa erabakita Valentziak eta azken txanpan ez dio garaipenak ihes egin (77-62).
Fitxa teknikoa:
77.- Valentzia (16+18+18+25): Van Rossom (11), Abalde (2), San Emeterio (5), Will Thomas (17), Dubljevic (6) -hasierako bostekoa- Sergi Garcia (-), Labeyrie (10), Tobey (10), Vives (3), Matt Thomas (10) eta Doornekamp (3).
62.- Delteco GBC (28+9+9+16): Dani Pérez (11), Nevels (7), Salvo (6), Burjanadze (10), Bobrov (6) -hasierako bostekoa- Jorge Gutierrez (2), Maiza (-), Van Lacke (3), Sekulic (6) eta Corbacho (11).
Epaileak: Perea, Martinez Fernandez eta Baena. Doornekamp (36. min) eta Gutierrez (40. min) kanporatuak izan dira bosna falta egiteagatik.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.