Gipuzkoa Basketek porrota jaso du Andorraren aurka
Delteco GBC taldeak 94-81 galdu du MoraBanc Andorraren aurka Endesa Ligako 32. jardunaldiko partida. Talde gipuzkoarrak salbazioa lortuta du jada, baina aurkariak baino askoz txarrago jokatu du.
Hasieratik igarri da Gipuzkoa Basketek gutxi zuela jokoan, eta Andorra play-off postuetan sartzeko lehian erabat sartuta dagoela. Etxeko taldeak agindu du lehen laurdenean, nahiz eta Gipuzkoa Basketek nola edo ahala eutsi dion Andorrak jarritako erritmoari. Hala ere, 5 puntuko abantaila eskuratu du MoraBancek lehen hamar minutuen amaieran (23-18).
Bigarren laurdenean, areagotu egin da MoraBanc Andorraren nagusitasuna. Gipuzkoa Basket ezinean ibili da, eta Andorra abantaila handitzen hasi da. Etxeko taldeak 15 puntuko abantaila lortu du, baina 10 puntuko errentarekin iritsi da atsedenaldira (41-31).
Atsedenaldiaren ostean, ez da partidaren gidoia aldatu. MoraBanc Andorra jaun eta jabe izan da, eta Delteco Gipuzkoa Basketek maila kaskarra eman du. Andorrako taldeak bere nagusitasuna baliatu du hirugarren laurdenaren amaieran 17 puntuko aldea eskuratzeko (69-52).
Azken laurdenerako dena erabakita zegoen. Gipuzkoa Basket saiatu da emaitza txukuntzen, baina Andorrak ez du oparirik egin eta garaipen erosoa lortu du (94-81).
Fitxa teknikoa:
94 - MORABANC ANDORRA (23-18-28-25): Albicy (6), Blazic (19), Walker (10), Sanè (0), Stevic (6) —hasierako bostekoa—, Fernández (12), Iverson (6), Jankovic (7), Diagne (8), Shurna (10), Colom (2), Jelinek (8).
81- DELTECO GBC (18-13-23-27): Perez (0), Van Lacke (7), Swing (15), Clark (9), Fakuade (15) —hasierako bostekoa—. Agbelese (15), Chery (4), Oroz (7), Salvo (0), Pardina (3), Gaiza (6), Beraza (0).
EPAILEAK: Castillo, Oyon eta Olivares. Fakuade kanporatu dute.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka, jokatuko du ostegunean, Euroligan, Sarajevon
Paolo Galbiatiren taldearen aurkariak Bosniako hiriburuan jokatzen du etxeko partidak, Ekialde Erdikoan dagoen gerra egoerarengatik. Dubaik lau garaipen jarraian lortu ditu Euroligan, eta txapelketan jarraitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.