Gipuzkoa Basketek porrota jaso du Bartzelonaren aurka
Delteco GBC taldeak 89-74 galdu du Bartzelonaren aurka Palau pabilioian Endesa Ligako 29. jardunaldiko partida. Porrot honek eragotzi egin du talde gipuzkoarrak matematikoki salbazioa lortzea.
Partida bizi hasi da, eta talde gipuzkoarrak abantaila lortu du laurdenaren erdialdera iristean (5-9 eta 8-12). Ondorengo minutuetan aldeari eustea lortu du Delteco GBC taldeak (13-17), baina lehen laurdeneko azken minutuan Bartzelonak aurrea hartu (19-17) eta 5 puntuko errenta eskuratu du (24-19).
Bigarren laurdenean Bartzelona izan da jaun eta jabe. Kataluniako taldeak azkar lortu du zuloa irekitzea. Minutuak aurrera joan ahala, gero eta alde handiagoa ireki du Barçak. Delteco GBCk ez du asmatu erasoan eta defentsan asko kosta zaio Barçaren erasoak gelditzea. Ondorioz, 11 puntuko abantailarekin iritsi da Bartzelona atsedenaldira (46-35).
Atsednaldiaren ostean, Delteco GBCk ezer gutxi egin ahal izan du aurkariaren nagusitasunaren aurrean. Bartzelona jaun eta jabe izan da, Gipuzkoa Basket saiatu da etxeko taldeak abantaila handiegia har ez dezan, eta 3. laurdena etxeko taldearen aldeko 68-56ko emaitzarekin amaitu da.
Azken laurdenean erakustaldia eman du Bartzelonak eta 20 punturainoko abantaila izan du (82-62). Gipuzkoa Basket ezinean ibili da, desabantaila zertxobait murriztea lortu du, eta neurketa Barçak irabazi du (89-74).
Fitxa teknikoa:
89 - Bartzelona Lassa (24+22+22+21): Heurtel (7), Jackson (11), Koponen (11), Moerman (9), Tomic (8) -hasierako bostekoa-, Ribas (11), Pressey (3), Vezenkov (12), Oriola (14), Claver (3) eta Navarro (-).
74 - Delteco GBC (19+16+21+18): Chery (19), Jordan Swing (10), Pardina (5), Agbelese (6), Clark (12) -hasierako bostekoa- Dani Perez (5), Salvo (9), Fakuade (2) eta Oroz (6).
Epaileak: Cortes, A. Fernandez eta Munar.
Zure interesekoa izan daiteke
Jardunaldi beltza Lointek Gernika Bizkaia, IDK Euskotren eta Kutxabank Araskirentzat
Bizkaiko taldeak galdu egin du Leganesen aurka (74-66), Gipuzkoakoak Perfumerias Avenidaren aurka (74-66) eta Arabakoak Valentzia Basketen etxean (90-61).
Surne Bilbaok luzapenean irabazi dio Granadari (84-88)
Surne Bilbaok garaipena lortu du larunbat honetan Granadako Kirol Jauregian (84-88), luzapenean, 11 porrot jarraian jaso dituen Coviranen aurka, Endesa Ligako azken postuan jarraituko duena.
Atsedenaldiak ez dio onik egin Baskoniari Fenerbahceren aurka (84-71)
Beste porrot gogor batekin, Gasteizko taldea atzean geratu da play-inean sartzeko lehian.
Surne Bilbaok Sporting CP menderatu du Lisboan (72-90), eta FIBA Europe Cupeko final laurdenetarako sailkatu da
Bilboko taldea argi gailendu zaio aurkariari, eta, horrenbestez, txapelketako hurrengo fasean izango da.
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Panathinaikosen aulkiak Kosner Baskonia erraz garaitu du Atenasen (93-74)
Toliopoulos eta Samodurov izan dira, ustekabean, saskiratzailerik onenak etxekoen alde laster desorekatu den norgehiagokan, Holmesi esker lehen zatian, eta Sloukasi esker, bigarrenean.
Kosner Baskoniak Panathinaikos bisitatuko du, astearte honetan, Euroligan
Greziako taldea zortzigarren postuan dago, txapelketako 22 jardunaldi jokatu ostean. Kosner Baskoniak Errege Kopan izango dela baieztatu ostean jokatuko du Panathinaikosen aurka.
Endesa Ligako 16. jardunaldiko 10 jokaldi onenak
Endesa Ligako hamaseigarren jardunaldia jokatu da, eta hemen bildu ditugu ligako hamar jokaldi onenak.
Kosner Baskoniak Koparako txartela lortu du Manresaren aurka (130-85)
Kosner Baskoniak Errege Kopa jokatzeko txartela lortu du igande honetan, BAXI Manresa 130-85 menderatuta, eta markak hautsi ditu, Baskoniak inoizko puntu gehien eta hiruko gehien sartu baititu.
Lointek Gernikak irabazi, eta IDK Euskotrenek eta Kutxabank Araskik galdu
Lointek Gernika Bizkaiak garaipen baliotsua lortu du Duran Maquinaria Ensinoren aurka (84-69). Bestalde, IDK Euskotrenek ezin izan du garaipena lortu Palau Olímpic Badalonan (75-57), eta Kutxabank Araskik porrota jaso du Spar Gironaren aurka (65-78).