Urrutia-Del Rio eta Erika-Frida, Iron Cup txapelketako finalera
Julen Del Riok eta Thoma Urrutiak jokatuko dute Bilbao Jai Alai Iron Cup txapelketako finala, Bilboko Deportivo frontoian jokatutako finalaurrekoan Laduche eta Manci garaituta. Emakumezkoetan, berriz, Erikak eta Fridak lortu dute finalerako txartela, Maite eta Arai menderatuta.
Urrutia-Del Rio vs Laduche-Manci: 15-14 eta 15-11
Finalerdiaren lehenengo seta borrokatua izan da. Laduche eta Manci hasi dira aurretik, mutrikuarraren horma-biko bat eta txula bat tarteko. 1-3, 2-5 eta 6-9 aurreratu dira Laduche eta Manci (bikote horia), baina lehenengo setaren erdialderako, materiala bizitu ahala, Del Rio hasi da pilotari eskuinez ondo ematen. Berea izan da 9-10eko tantoa, eta jendea zutik jartzeko moduko 11-12koa. Goitik behera "pikatuta", botea eragin eta aurkariak gainetik pasatu ditu. 12-14koarekin, seta irabazteko hiru pilota izan dituzte, baina Julen Del Riok eskuina atera du, eta markagailuari buelta eman dio, lehen jokoa 15-14 irabazteko.
Bigarren jokoaren hasiera izugarria izan da. Beste behin, eskuinez nahi izan duena egin du Julenek. 8-1 aurreratu dira, baina nabarmentzekoa izan da bikote marroiaren seigarrena. Arabarrak horma-biko ikusgarria bota du atzeko koadroetatik. Ematen zuen partida horrela bukatuko zela, baina horiek tantoa egin dute, pilota aldatu dute eta piloteoan jokatu ahal izan dute, eta baita tantoak egin ere. 8-2, 10-4, 12-6, 13-10... hiru tantora hurreratu dira. Partida Donibane Garaziko aurrelariak amaitu du, Thomas Urrutiak, sake-errestora sartu eta horma-bikoz, 15-11.
Erika-Frida vs Maite-Arai: 15-14 eta 15-4
Emakumeen Masterrean, Erika Mugartegi eta Frida Watkinsentzat izan da garaipena. Lehen seta justuan irabazi dute, baina bigarrena erraz. Erika eta Frida (elastiko marroidunak) aurretik hasi dira. Atzelari zumaiarrak txapa gainean moztuta egin du 2-0koa, 4-4 eta 5-5 ere berdindu dute, baina marroiak aurretik joan dira atsedenaldira (8-5). Partida oso berdinduta joan da (10-10, 12-12 eta 13-13), baina hamalaunako berdinketaren ostean, Erikak ez du barkatu, eta berak egin du 15. tantoa (15-14).
Bigarren jokoan, behera etorri dira horiak. Erika eta Frida nagusi izan dira, eta ia ez dute hutsik egin. Horren aurrean, lau tanto egin ahal izan dituzte horiek (15-4).
Zure interesekoa izan daiteke
Goitiak eta Gorkak eraman dituzte Iron Cupeko txapelak
Alex Goitia eta Gorka Sorozabal nagusitu dira 2026ko Iron Cupeko finalean, Eñaut Urreisti eta Thibault Basque bi setetan garaituta (15-10 eta 15-10). Lehen setean buelta eman behar izan diote markagailuari, baina bigarrenean aurkariek maila jaitsi dute eta bikote laranjak aise lortu du garaipena eta txapela.
Ihart eta Arai azken tantora arte borrokatu dira Iron Cupeko txapelak janzteko
Ihart Arakistain eta Arai Lejardi dira 2026ko Iron Cupeko txapeldunak. Hiru setetan garaitu dituzte Elaia Gogenola eta Eneritz Lizardi (10-15, 15-7 eta 4-5). Oso final parekatua izan da, parte bakoitzean bikoteetako batek agindu du, eta azken tantora arte lehiatu behar izan dira garailea aukeratzeko.
Urreisti eta Basque Iron Cupeko finalera sailkatu dira
Eñaut Urreistik eta Thibault Basquek Iron Cupeko finala jokatuko dute Goitia eta Gorkaren aurka, finalerdietan Eñaut Astelarra eta Unai Lekerika garaitu ondoren (15-13 eta 15-8). Lehen jokoa oso lehiatua izan da, baina bigarrenean bikote garailea errazago aritu da.
Elaia eta Eneritz izango dira Iharten eta Arairen aurkariak Iron Cupeko finalean
Elaia eta Eneritz izango dira Iharten eta Arairen aurkariak Iron Cupeko finalean, Maite eta Maialen 2 setetan garaitu ostean: 15-10 eta 15-14. Partida parekatua izan da, eta txikikeria batzuek jarri dute markagailua Elaiaren eta Eneritzen alde.
Goitia eta Gorka nagusitasunez igaro dira Iron Cupeko finalera
Alex Goitiak eta Gorka Sorozabalek Iron Cupeko finalerako txartela lortu dute Johan eta Atain mendean hartuta (11-15 eta 6-15). Lehen seta lehiatua izan da, baina bigarrenean garaileek ez diete aukerarik eman aurkariei.
Ihart eta Arai, Iron Cupeko lehen finalistak
Ihart Arakistain eta Arai Lejardi Iron Cupeko finalera sailkatu dira, finalerdietan Lur eta Oaia garaituz bi setetan (9-15 eta 10-15). Set hasieretako tantoak trabatu egin zaizkie, baina orokorrean partidaren agintea eraman dute. Datorren astean ezagutuko dute zein bikote izango den aurkaria.
Astelarra-Lekerika eta Goitia-Gorka bikoteek osatuko dituzte Iron Cupeko finalerdiak
Lehen partidan, Astelarra eta Lekerikak Libois eta Ibarluzea garaitu dituzte (15-11, 14-15 eta 5-2). Urreisti eta Basque izango dituzte aurkari finalerdietan. Bigarrenean, Goitiak eta Gorkak bi setetan menderatu dituzte Erkiaga eta Manci (15-11 eta 15-8). Hala, Johan eta Atain izango dituzte aurkari finalerdietan.
Urreisti-Basque eta Johan-Atain, Iron Cupeko finalerdietara
Urreistik eta Basquek Iron Cupeko A multzoko lehen postua ziurtatu dute Goitia eta Gorka 8-15 eta 13-15 irabazi ostean. B multzoan, bestalde, Johan eta Atainek lehen berdina lortu dute Astelarra eta Lekerika 5-15 eta 8-15 irabazita.
Astelarrak ordezkatuko du Olharan Bilboko Iron Cup txapelketan
Jean Olharanek ez du Bilboko Iron Cup txapelketan parte hartuko, belaunean jasandako kolpe baten ondorioz.
Erkiaga eta Manci faboritoak galtzaile, Iron Cupeko lehen jardunaldian
Urreisti eta Basqueren aurka galdu dute, 9-15 eta 5-15, A multzoko partidan. B multzoko estreinakoan, berriz, Johan eta Atainek 10-15 eta 12-15 garaitu dituzte Libois eta Ibarluzea.