Johan-Lopez eta Laduche-Gorka bikoteen arteko lehia, Eusko Label Winter Seriesen seigarren jardunaldian

Johan-Lopez eta Laduche-Gorka bikoteek Eusko Label Winter Series txapelketako seigarren jardunaldiko partida jokatuko dute astelehen honetan, abenduak 4, Gernikako Jai Alai frontoian. Neurketa 22:15etik aurrera ikusgai izango da, ETB1en eta eitb.eus-en.

Johan eta Lopez puntu bila irtengo dira, Erkiagaren eta Ibarluzearen kontrako hitzorduan galdu egin baitzuten. Laduche eta Gorka bikoteak ere garaipena lortuz estreinatu nahiko du Eusko Label Winter Series txapelketa.

Oraingoz, batetik, Goikoetxea eta Lekerika daude A taldeko lehen tokian; bestetik, Erkiaga eta Ibarluzea dira B multzoko taldeburuak.