Ibarrola eta Gaminde, binakakoan, eta Erasun, lau t’erdikoan, 2025eko "Plazandreak" saioko txapeldunak
Aizane Ibarrolak eta Enara Gamindek 2025eko "Plazandreak" saioko binakako txapelketa irabazi dute, eta Itxaso Erasunek saio horretako lau t'erdiko txapelketa bereganatu du. Ibarrolak eta Gamindek eta Erasunek astelehenean lortu dituzte "Plazandreak" saioko txapelak, Esperantza pilotalekuan, Bilbon, txapelketako laugarren ekitaldiko finaletan Goiuri Zabaleta eta Nora Mendizabal 6-22 menderatuta, eta Amaia Aldairi 9-18 gailenduta.
Giro bikaina izan den Esperantza pilotalekuan; izan ere, harmailak bete egin dira, eta hainbat zale kanpoan gelditu dira ere, sartu ezinik, sarrerarik gabe. Lehen neurketan, binakako txapelak izan dira jokoan, eta Aizane Ibarrolak eta Enara Gamindek merezita jantzi dituzte, Goiuri Zabaleta eta Nora Mendizabal aurkari. Uharteko aurrelariak eta Laukizko atzelariak finaleko aurreneko hamahiru tantoak egin dituzte, eta gorriek ezin izan dute markagailua irauli. Ibarrola eta Gaminde bikain aritu dira, eta Zabaletak eta Gamindek ez dute aukerarik izan; azken horiek ez dira eroso ibili kantxan. Urdinak, hala, 6-22 gailendu dira.
Markagailua: 0-1/0-2/0-3/0-4/0-5/0-6/0-7/0-8/0-9/0-10/0-11/0-12/0-13/1-13/1-14/1-15/1-16/2-16/3-16/4-16/4-17/4-18/4-19/4-20/5-20/5-21/6-21/6-22.
Lau t'erdiko finalean, Itxaso Erasun, Zizurkilgo atzelaria, Amaia Aldai baino gehiago izan da, hainbatek azken hori faboritotzat jotzen bazuten ere. Erasunek ia hasieratik izan du kontrolpean markagailua; Aldai tanto batera jarri da, 5-6koan, Erasunek lehenengo bost tantoak egin ostean, baina gipuzkoarrak, orduan, lau tanto jarraian egin ditu, eta ondo baino hobeto baliatu duen aldea berreskuratu du. Neurketaren amaieran, txapeldun berria 9-18 gailendu da.
Markagailua: 0-1/0-2/0-3/0-4/0-5/1-5/2-5/3-5/3-6/4-6/5-6/5-7/5-8/5-9/5-10/5-11/6-11/7-11/7-12/7-13/8-13/8-14/8-15/8-16/9-16/9-17/9-18.
Zure interesekoa izan daiteke
Arrizabalaga-Bergara bikotea eta Gaminde nagusitu dira lehen jardunaldian
Olatz Arrizabalagak eta Arrate Bergarak Goiuri Zabaleta eta Nora Mendizabal hartu dituzte mendean (20-22), bigarren erdian estutu den neurketan. Lau T’erdikoan, Enara Gamindek Madalen Etxegarai jipoitu du (18-4).
Enara Gaminde: “Gustura ibili naiz, ondo egin dut nire jokoa”
Enara Gamindek aise irabazi dio Madalen Etxegarairi 4 t’erdian. Laukiztarrak adierazi duenez “4 t'erdiko marra ahalik eta gehien topatzea, kantxa erdia hartzea eta hortik min egitea” da bere indargunea eta horrela jarraituko du estrategiak funtzionatzen dion bitartean.
Olatz Arrizabalaga: “Takadetako partida izan da; serio jarraitu dugu eta egindako lanarekin oso gustora”
Arrizabalaga-Bergara bikotea gailendu da Zabaleta-Mendizabali. Partida oso aldakorra izan da, baina azkenean 20-22 irabazi dute urdinek. Une frustragarri batzuk pasa dituzten arren, partidatik atera ez izanagatik eta lortutako emaitzarekin gustora geratu dira irabazleak.
2026ko “Plazandreak” saioaren sailkapenak, emaitzak eta egutegia
Txapelketa uztailaren 6an hasi eta abuztuaren 10ean amaituko da. Binakako txapelketa bat eta lau t'erdiko beste bat izango ditu, eta Bilbon jokatuko da, Esperantza pilotalekuan.
Uztailaren 6an hasiko da Plazandreak txapelketaren IV. edizioa
Plazandreak txapelketaren laugarren edizioa aurkeztu dute Bizkaiko Foru Aldundian. Uztailaren 6tik abuztuaren 10era bitartean jokatuko dira partida guztiak, finala barne, Bilboko Esperantza pilotalekuan. EITB ere ikusgai izango dira denak.
''Plazandreak'' saioko txapeldunak, pozarren eta etorkizunari begira
Ibarrola eta Gaminde, binakakoan, eta Erasun, lau t'erdikoan, dira 2025eko "Plazandreak" saioko txapeldunak, igandeko finaletan irabazita. Hirurak oso pozik agertu dira lortutakoarekin.
2025eko ''Plazandreak'' saioko lau t'erdiko finaleko azken tantoa: Aldai vs Erasun (9-18)
Itxaso Erasun da txapelduna, "Plazandreak" saioko laugarren ekitaldian, lau t'erdian; finalean, Amaia Aldairi gailendu zaio, 9-18.
Honela jaso dituzte txapelak 2025eko ''Plazandreak'' saioko irabazleek
Aizane Ibarrolak eta Enara Gamindek, binaka, eta Itxaso Erasunek, lau t'erdian, "Plazandreak" saioko laugarren ekitaldia eskuratu dute; Erasunek, gainera, Pelotari Onena Saria ere lortu du.
Itxaso Erasun: ''Ametsetan bezala nago; estrategia zen bizi jotzea, mina egiteko''
"Plazandreak" saioko lau 'erdiko txapelduna, finalean Amaia Aldairi gailenduta, oso pozik azaldu da, eta, hunkituta, duela gutxi hil zaien amona izan du gogoan.