Altuna, Ezkurdia, Bengoetxea eta Retegi Bi, lehen jardunaldiko irabazleak

Jokin Altunak, kaiolako egungo txapeldunak, lesioa ahaztu eta Aimar Olaizolari gailendu zaio Tolosako Beotibarren (22-12).

20181014203933_bengoetxeaurrutikoetxea_ — Bengoetxeak ligaxkako lehen puntua eskuratu du Urrutikoetxeari irabazita

EITB

2018/10/15 - 20:41

Azken eguneratzea

2018/10/15 - 20:41

Aurtengo Lau t'erdiko txapelketak lehen jardunaldia amaitu du, eta albiste nagusia izan da joan zen urteko txapeldunak, Jokin Altunak, lesioaren mamuak usatu eta final-laurdenetako ligaxkako lehen puntua eskuratu duela Aimar Olaizolaren aurka (22-12), Tolosan astelehen honetan jokatutako partidan.

A multzoko beste norgehiagokan, Ezkurdiak aise azpiratu zuen Victor, Legutioko pilotalekuan (22-5), ostiralean.

B multzoari dagokionez, Erik Jakaren ordez ari den Retegi Bik irabazi egin zion Danel Elezkanori (22-19), Arnedon, larunbatarekin, jokatutako partidan.

Egungo txapeldunordea den Urrutikoetxeak, berriz, porrotarekin ekin zion txapelketari igandean, Bengoetxea VI.a 22-14 nagusitu baitzitzaion Lekunberrin.

Horrenbestez, honela daude bi multzoetako sailkapenak:

A multzoa

	Puntuak	Aldeko tantoak	Kontrako tantoak

Ezkurdia	1	22	5

Altuna III	1	22	12

Olaizola II	0	12	22

Victor	0	5	22


B multzoa

	Puntuak	Aldeko tantoak	Kontrako tantoak

Bengoetxea VI	1	22	14

Retegi Bi	1	22	19

Elezkano II	0	19	22

Urrutikoetxea	0	14	22