Elordi eta Zabaleta, Binakako txapeldunak
Aitor Elordik eta Jose Javier Zabaletak irabazi dute 2023ko Binakako Txapelketa igande honetan, apirilaren 2an, Unai Lasori eta Ander Imazi finala irabazita 13-22ko emaitzarekin Nafarroa Arenan.
Partida hasieratik indartsu hasi dute bi bikoteek. Pilotariek pilota biziak aukeratu dituzte eta jokoa abiadura handian garatu da. Urdinak hobeto sartu dira frontoira eta, Elordi nagusi zela, eurenak izan dira norgehiagokako lehen bost tantoak.
Aurkariak zein eroso zeuden ikusita, Lasok eta Imazek pilotaz aldatu dute euren lehen tantoaren ondoren. Jokoa moteldu egin da eta atzelarien lanean zentratu da, gorriei aldea murrizten lagunduz (4-6). Hurrengo tantoa partidako lehiatuenetako bat izan da, 60 pilotakada baino gehiago eman behar izan baitituzte amaitzeko. Azkenean, urdinek bereganatu dute (4-7).
Hala ere, hurrengo tantoak gorriak izan dira eta Lasok eta Imazek partidako lehen berdinketa lortu dute markagailuan (8-8), aurkariek alferrik galdutako aukerez baliatuz. Baina bolada onak gutxi iraun die eta oraingoan eurek egin dituzte akatsak, atsedenaldira markagailuan atzetik joanez (9-12).
Lasok eta Elordik azkar bukatu nahi zituzten tantoak, baina honek gehiago jokatu du euren kontra alde baino, beste bikoteari puntuak eman dizkioten aukera nahiko argiak huts egin baitituzte. Ondoren erlaxatuago jokatu dute, tantoak ziurtatzen saiatuz, eta partidak urdinen nagusitasunarekin jarraitu du, une oro markagailuan aurretik joan baitira (11-16).
12-17ko tantoan partidako sustoa heldu da. Lasok irrist egin du eta orkatila bihurritu du, min keinu argiekin lurrera eroriz. Aurrelaria aldageletara erretiratu da, eta luzaketak egiten jarraitu du. Minutu batzuetako zalantzaren ondoren, kantxara itzuli da partida amaitzeko.
Partidako azken zatian Elordi eta Zabaleta izan dira jaun eta jabe eta azken tantoarekin 2023ko Binakako Txapelketako txapeldun izendatu dira (13-22).
Laso eta Imaz izan ziren txapelketako finalerako sailkatu ziren lehenak, finalerdietako ligaxkako lehen bi jardunaldietan irabazi ondoren. Azkena ezin izan zuten jokatu bi pilotarien arazo fisikoengatik.
Elordi eta Zabaletaren kasuan, azkeneraino borrokatu behar izan zuten txartela lortzeko. Azken jardunaldian dena jokatu zuten Altuna eta Tolosaren aurka eta, dena haien aurka zegoenean, Tolosaren lesioak partida jokatzen jarraitzea eragotzi zuen, Elordi eta Zabaletari final handirako txartela emanez.
Zure interesekoa izan daiteke
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altunak ez du erabaki asteburuan jokatzeko moduan izango den
Altuna III-Ezkurdia eta Jaka-Iztueta bikoteek asteburu honetan jokatuko duten Binakako Txapelketako finalerdietako partidarako materiala hautatu dute astearte honetan, Tolosako Beotibar frontoian. Jokin Altunak aitortu duenez, ez daki ziur jokatzeko moduan izango den ala ez, eskuak minduta dituelako.
Altuna-Ezkurdia, lehen bikote finalista
Jokin Altuna eta Joseba Ezkurdia Binakako Pilota Txapelketako finalean izango dira, asteburuan Unai Laso eta Jon Ander Albisu mendean hartu ostean.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Elordik eta Zabaletak garaipen handia lortu dute Jakaren eta Iztuetaren aurka (11-22)
Elordik eta Zabaletak 11-22 garaitu dituzte Jaka eta Iztueta finalerdietako ligaxkako bigarren jardunaldian. Garaipen honekin, finalera iristeko borrokan garaipen garrantzitsua eskuratu dute Aspekoek; Baikoko bikotea, berriz, ia aukerarik gabe gelditu da bi partidak galdu ostean.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.