Jaka-Zabaleta, lider sendoak; Bengoetxea eta Mariezkurrena, ia aukerarik gabe
Binakako Txapelketako zortzigarren jardunaldiak argi utzi du Jakak eta Zabaletak orain arteko bikoterik indartsuena osatzen dutela; izan ere, Irribarria eta Rezustari (16-22) irabazi ostean, lidergoan jarraitzen dute lehia bakarra galduta, eta bi puntuko aldea dute Ezkurdia-Martija eta Altuna-Galarza bikoteekiko (bost garaipen dituzte).
Aipatutakoen atzetik, laugarren eta bosgarren postuan, Artola-Imaz eta Laso-Albisu daude, horiek ere berdinduta, lau neurketa bereganatuta eta gero.
Horien atzetik, play-offetan sartzeko azken tokiaren bila, Irribarria-Rezusta eta Olaizola-Urrutikoetxea ageri dira. Bi bikoteek hiru lehia irabazi dituzte, eta seigarren eta zazpigarren postuan daude kokatuta, hurrenez hurren.
Sailkapeneko azken muturrean, aldiz, Bengoetxea eta Mariezkurrena daude, norgehiagoka bakarrean nagusitzea lortu ostean. Ondorioz, aurrera egiteko aukera gutxi dituzte.
Hurrengo asteburuko partidak:
Urtarrilaren 17an, Buñuelen
Irribarria-Rezusta vs Ezkurdia-Martija
Urtarrilaren 18an, Mungian
Olaizola II.a-Urrutikoetxea vs Artola-Imaz
Urtarrilaren 18an, Iruñean
Bengoetxea VI.a-Mariezkurrena II.a vs Laso-Albisu
Urtarrilaren 19an, Eibarren
Jaka-Zabaleta vs Altuna III.a-Galarza
|
BINAKAKO TXAPELKETAKO SAILKAPENA | ||||||
| Bikoteak | Partidak | Tantoak | ||||
| Jok. | Irab. | Ald. | Kont. | +/- | ||
| 1. | Jaka-Zabaleta | 8 | 7 | 175 | 114 | +61 |
| 2. | Ezkurdia-Martija | 8 | 5 | 171 | 149 | +22 |
| 3. | Altuna-Galarza | 8 | 5 | 162 | 143 | +19 |
| 4. | Artola-Imaz | 8 | 4 | 155 | 153 | +2 |
| 5. | Laso-Albisu | 8 | 4 | 153 | 164 | -11 |
| 6. | Irribarria-Rezusta | 8 | 3 | 139 | 159 | -20 |
| 7. | Olaizola-Urrutikoetxea | 8 | 3 | 131 | 160 | -29 |
| 8. | Bengoetxea-Mariezkurrena | 8 | 1 | 131 | 175 | -44 |
Zure interesekoa izan daiteke
Larrazabalek eta Mariezkurrenak prestigiozko garaipena lortu dute Altunaren eta Ezkurdiaren aurka (19-22)
Larrazabalek eta Mariezkurrenak 19-22 irabazi diete Altunari eta Ezkurdiari Binakako Txapelketako 4. jardunaldian. 19-17 zihoazen atzetik, baina markagailuari buelta ematea lortu dute haien bigarren garaipena lortzeko.
Jakak eta Iztuetak Artola eta Imaz menderatu dituzte, 22-8, eta bi puntu daramatzate Binakakoan
Beotibarren astelehen arratsaldean jokatutako partidan, Lizartzako aurrelaria eta Tolosako atzelaria hasieratik izan dira nagusi, eta aise gailendu dira.
Peña II.aren nahi gabeko pilotakada batek, partida jokoan egon gabe, Salaverri II.a belaunean mindu du
Jon Ander Peña eta Ruben Salaverri 21-18 ari ziren gailentzen, Amiano-Eskiroz aurkari; orduan, Peña II.ak hormara bota du pilota, eta, nahi gabe, Fuenmayorreko atzelaria jo du. Salaverri II.ak aldagelara joan behar izan du, baina, gerora, bueltatu da kantxara, eta partida amaitu du.
Larrazabalek eta Mariezkurrenak garaipena lortu dute Lasok sustoa eman duen partidan (20-22)
Larrazabalek eta Mariezkurrenak 20-22 irabazi diete Lasori eta Albisuri Binakako Txapelketako hirugarren jardunaldian. Lasok, gainera, min hartu du ebakuntza egin zioten belaunean.
Zabalak eta Martijak bi puntu dituzte, Altuna III.a eta Ezkurdia mendean hartuta (16-22)
Jokin Altuna eta Joseba Ezkurdia aurrenekoz irten dira galtzaile, Binakakoan; Bartzelonan jokatutako partidan, 0-6 hasi dira galtzen. Javi Zabalak eta Julen Martijak merezita irabazi dute, neurketa ona eginda.
Bigarren puntua Elordi eta Zabaletarentzat, Etxeberria eta Rezusta irabazi ezinik daudelarik (22-14)
Elordik eta Zabaletak 22-14 garaitu dituzte Etxeberria eta Rezusta Binakako Txapelketaren hirugarren jardunaldian. Hala, bigarren puntua lortu dute. Bikote urdinak, aldiz, irabazi gabe jarraitzen du.
Altuna eta Ezkurdia sailkapenaren buruan jarri dira Elordi eta Zabaleta garaituta (22-14)
Altunak eta Ezkurdiak 22-14 irabazi diete Elordi eta Zabaletari Binakako Txapelketako bigarren jardunaldian. Hala, sailkapeneko lehen postuan jarri dira. Laso eta Albisu dituzte soilik parez-pare, bi garaipenekin.
Lasoren eta Albisuren astindua jaso dute Jakak eta Iztuetak (6-22)
Unai Lasok eta Jon Ander Albisuk erakustaldia eman dute Erik Jakaren eta Martxel Iztuetaren aurka jokatu duten partidan. 0-12 joan dira irabazten, eta 6-22 gailendu dira, ligaxkako bigarren puntua bereganatzeko.
Zabalak eta Martijak Etxeberria eta Rezusta menderatu dituzte (12-22), eta lehen puntua lortu dute Binakakoan
Bigarren jardunaldiko lehenengo partidan, ostiral gauean, Basaurin, Javi Zabala eta Julen Martija ez dira oso ondo hasi, Peio Etxeberria eta Beñat Rezusta aurkari, baina, neurketako bigarren zatian, guztiz nagusi izan dira.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.