Elezkano eta Rezusta txapeldun, aurreikuspenak hautsita (22-19)
Danel Elezkano bizkaitarrak eta Beñat Rezusta gipuzkoarrak aurreikuspen guztiak hautsi dituzte igande honetan Bilbon jokatutako Binakako Txapelketako final handian. Bikote gorria nagusi izan da, eta 22-19 gailendu zaizkie bi faborito nagusiei, Iker Irribarria gipuzkoarrari eta Jose Javier Zabaleta nafarrari.
Atzelariak protagonista eta erabakigarriak izan dira finalean, Rezusta eta Zabaleta bikain aritu dira, baina bukaeran aurrelarien lanak ere eragin handia izan du azken emaitzan. Aurreko koadroetan, Elezkano erregularragoa izan da, eta Irribarriak baino hobeto eutsi dio erritmoari. Aramakoak ere tanto politak jokatu ditu.
Horrela, norgehiagokako azken tantoa, Irribarriak dena alde izanda pilota txapara bidali duena, finalaren laburpen bikaina da.
Garaipen honekin, Zaratamoko aurrelariak Binakako Txapelketako txapela irabazi du lehen aldiz. Iaz ezin izan zuen finala irabazi, orduan ere Rezustarekin batera aritu zen arren. Bergarako atzelariarentzat, berriz, bigarren txapela da, lau final jarraian jokatu ostean.
Finalak kolore gorria izan du. Lehenengo tantoetan, Elezkano eta Rezusta 4-0 aurreratu dira, Irribarria eta Zabaleta esnatu eta markagailuan 10-10ekoa jarri duten arte. Partida osoan izan diren bi berdinketetatik lehenengoa izan da.
Bigarren berdinketa, eta gorrien erreakzioa
Gorriek ondo eutsi diote presioari, eta aldea zabaldu dute berriro markagailuan: 16-11. Irribarriak eta Zabaletak ez dute amore eman, eta finala berriro berdindu dute: 16-16. Hortik aurrera, Elezkano eta Rezusta nagusi izan dira. 20-17 aurreratu dira, eta garaipenak ez die ihes egin.
Azkenean, 22-19, Danel Elezkano eta Beñat Rezusta dira Binakako Txapelketako txapeldun berriak.
Finaleko tanto guztiak
1-0, 2-0, 3-0, 4-0, 4-1, 5-1, 6-1, 6-2, 6-3, 6-4, 6-5, 7-5, 8-5, 9-5, 9-6, 9-7, 9-8, 10-8, 10-9, 10-10, 11-10, 12-10, 13-10, 13-11, 14-11, 15-11, 16-11, 16-12, 16-13, 16-14, 16-15, 16-16, 17-16, 18-16, 19-16, 19-17, 20-17, 21-17, 21-18, 21-19, 22-19.
Zure interesekoa izan daiteke
Peñak Lasoren papera bete du Altuna eta Ezkurdia garaitzeko (14-22)
Peña II.ak eta Albisuk 14-22 garaitu dituzte Altuna eta Ezkurdia Binakako Txapelketaren 11. jardunaldian. Baikoko bikoteak ziurtatuta zuen sailkapena, baina Aspekoak kontuz ibili beharko du azken jardunaldietan.
Elordi eta Zabaleta nagusi, arazoek markatutako Artolaren itzuleran (6-22)
Elordik eta Zabaletak zazpigarren garaipena eskuratu dute Binakako Txapelketako 11. jardunaldian, Artola eta Imaz 6-22 menderatuta. Partidak hasieran parekatua zirudien arren, Artolak kolpe txarra hartu du ezker eskuan, eta horrek neurketa desorekatu du.
Larrazabalek eta Mariezkurrenak puntu baliotsua lortu dute Etxeberria eta Rezusta garaituz (16-22)
Larrazabalek eta Mariezkurrenak seigarren garaipena lortu dute Binakako Txapelketako 11. jardunaldian, P. Etxeberria eta Rezusta 16-22 garaituta. Azken horiek, aldiz, oso zail izango dute txapelketan aurrera egitea.
Peñak Laso ordezkatuko du igandean Iruñean
Lasok giharretako mina du hankan, eta Peña II.ak ordezkatuko du igande honetan Nafarroa Arenan jokatuko den Binakako Txapelketako 11. jardunaldian.
Elordik eta Zabaletak 22-19 garaitu dituzte Etxeberria eta Rezusta, azken unean partida iraulita
Binakako Txapelketako 10. jardunaldian, Elordi eta Zabaleta 4-15 galtzen hasi dira, baina partida irauli eta 22-19 irabazi diete Etxeberriaei eta Rezustari. Gorriak bigarren postuan daude sailkapenean, 6 punturekin; urdinek, berriz, azken postuan jarraituko dute, 2 punturekin.
Lasok eta Albisuk finalerdietarako txartela eskuratu dute Larrazabal eta Mariezkurrena garaituta (22-19)
Lasok eta Albisuk gogotik egin behar izan dute lan Larrazabal eta Mariezkurrena mendean hartzeko, Binakako Txapelketako 10. jardunaldian. Horri esker, finalerdietara sailkatu dira.
Zabala eta Martija gogor aritu behar izan dira Altuna eta Ezkurdia garaitzeko (15-22)
Zabalak eta Martijak 15-22 menderatu dituzte Altuna eta Ezkurdia Binakako Txapelketako 10. jardunaldian. 14-14 berdindu ostean, hortik aurrera partida urdinena izan da.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Lasok eta Albisuk erakustaldia eman dute Jakaren eta Iztuetaren aurka (5-22)
Unai Lasok eta Jon Ander Albisuk zortzigarren garaipena eskuratu dute Martxel Iztuetaren eta Erik Jakaren aurka Ogetan. Urdinek hasieratik partidaren gidaritza izan dute, eta 5-10ekoaren ostean, ez diete aurkariei inolako aukerarik eman partida amaitu arte.
Etxeberriak eta Rezustak asko kostatako garaipena lortu dute Zabalaren eta Martijaren aurrean (22-21)
Peio Etxeberriak eta Beñat Rezustak 22-21 irabazi diete Javi Zabalari eta Julen Martijari, Adarragan. Partida oso gogorra eta estua izan da. Gorriak 12-18 galtzen joan dira, baina, azkenean, markagailua irauli eta bigarren puntua bereganatu dute Binakako Txapelketan.