Binakako txapelketaren final-laurdenetan ere, lesioak protagonista
Urtarrilaren 16an izango du hasiera Binakako Txapelketaren final-laurdenak. Txapelketa zaila izaten ari da bi taldeentzat, pilotari asko baitaude min hartuta.
Ostiralean Atano III.ean gaueko 22:15ean Martinez de Irujo eta Barriolak ezingo dute jokatu eta beraien ordez, Altuna III eta Cecilio arituko dira, aurreko igandean Olaizola II eta Ibai Zabalari sekulako zartakoa eman zien Artola-Albisu bikotearen aurka. Partida ETB1n eta eitb.eus atarian zuzenean.
Baina larunbat honetan Labriten jokatuko den partidarako Olaizolak bikotea berreskuratuko du behingoz, Beroiz bertan izango baita. Bolada txarra du bikoteak eta gogotsu neurtu beharko dituzte indarrak Bengoetxea VI-Aretxabaleta bikotearen kontra arratsaldeko 17:30etan.
Gerriko arazoak alde batera utzita, indarberrituta dago jada Xala, baina bat sendatu den bitartean, bestea lesionatu egin da. Eta. beraz, Merino ez da igande honetan jokatzeko moduan izango eta bere ordez, Miguel anaiak jokatuko du, Berasaluze II- Zubieta bikotearen aurka. Partida arratsaldeko 17:00etan ikusgai ETB1n eta eitb.eus atarian.
Bestalde, astelehenean, urtarrilaren 19an, Tolosan izango dugu hitzordua Retegi II-Rezusta bikotea, Ezkurdia-Zabaleta bikote ahalguztidunaren aurka aritu beharko baita arratsaldeko 16:30etan. Hala ere, dirudienez, Beñat Rezusta min hartuta dago eta zalantza da.
Zure interesekoa izan daiteke
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altunak ez du erabaki asteburuan jokatzeko moduan izango den
Altuna III-Ezkurdia eta Jaka-Iztueta bikoteek asteburu honetan jokatuko duten Binakako Txapelketako finalerdietako partidarako materiala hautatu dute astearte honetan, Tolosako Beotibar frontoian. Jokin Altunak aitortu duenez, ez daki ziur jokatzeko moduan izango den ala ez, eskuak minduta dituelako.
Altuna-Ezkurdia, lehen bikote finalista
Jokin Altuna eta Joseba Ezkurdia Binakako Pilota Txapelketako finalean izango dira, asteburuan Unai Laso eta Jon Ander Albisu mendean hartu ostean.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Elordik eta Zabaletak garaipen handia lortu dute Jakaren eta Iztuetaren aurka (11-22)
Elordik eta Zabaletak 11-22 garaitu dituzte Jaka eta Iztueta finalerdietako ligaxkako bigarren jardunaldian. Garaipen honekin, finalera iristeko borrokan garaipen garrantzitsua eskuratu dute Aspekoek; Baikoko bikotea, berriz, ia aukerarik gabe gelditu da bi partidak galdu ostean.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.