Iker Irribarriak pilota profesionala utziko du
ETBk jakin ahal izan duenez, Iker Irribarria aurrelariak pilota profesionala uztea erabaki du. Aramako pilotariak bihar, otsailak 22, agerraldia egingo du hedabideen aurrean, Aspe enpresak deitutako prentsaurreko batean, bere erabakiaren nondik norakoak azaltzeko. eitb.eus-ek zuzenean emango du prentsaurrekoa streaming bidez.
Aspe enpresako 26 urteko pilotaria Binakako Txapelketan parte hartzen ari zen, ordezko gisa izan arren. Bi partida jokatu ditu Elordiren eta Peio Etxeberriaren tokiak hartuta, eta beste horrenbeste garaipen lortuta. Lehendabiziko partida, 9. jardunaldian jokatu zuen, Zabaletarekin batera, eta Ezkurdia-Martija bikotea garaitu zuten (22-11). Bigarren agerraldia joan zen asteburuan izan zen, lehiaketako 13. jardunaldian; orduko hartan, Rezusta izan zuen atzelari lanetan, eta Lasok eta Eskirozek osatutako bikoteari irabazi zioten (22-17).
Irribarriak Buruz Buruko bi txapel ditu, biak Mikel Urrutikoetxearen aurka lortuak. Bere lehen finala 2016koa izan zen, eta bertan 22-16 gainditu zuen Zaratamoko aurrelaria. Urtebete geroago finalera itzuli zen, baina orduan galtzea egokitu zitzaion Oinatz Bengoetxearen aurrean (22-18). 2019ra arte itxaron behar izan zuen banakako bigarren txapelketa lortzeko, berriz ere Urrutikoetxearen kontra, oso lehia gogorrean (22-20).
Horrez gain, Binakako Txapelketako txapeldun ere izan zen 2017an, Beñat Rezustarekin batera. Oinatz Bengoetxea eta Mikel Larunbe hartu zituzten mendean (22-14) pilotari gipuzkoarrek.
Zure interesekoa izan daiteke
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Arrizabalaga-Bergara eta Sagardui-Gaminde izango dira finalistak Binakako Txapelketan
Igandean jokatu dituzte Emakume Master Cupeko Binakako Txapelketaren finalerdietako bi partidak Agurainen. Lehen partidan, Arrizabalagak eta Bergarak 22-14 garaitu dituzte Ruiz de Infante eta Mendizabal; bigarrenean, Sagarduik eta Gamindek 12-22 menderatu dituzte Aldai eta Arrillaga.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.
Pilota Pro Liga eta Donostia kirola 2026an Atano III frontoian pilota profesionalaren presentzia handiagoa izateko akordio batera ailegatu dira
Akordio honekin, frontoi donostiarrak egutegi profesionalean gutxienez hamar ekitaldi hartzea ziurtatzen du; Bikoteko Txapelketako, Buruz Burukoko eta Lau t’erdikoaren final erdi bat bertan jokatu beharko dute.
Emakume Master Cupek 10 urte bete ditu
Emakume Master Cup zirkuituaren aurkezpena egin dute Arrasateko Amaia Antzokian. Emakumenzkoen pilotan mugarri izan den honek, 10.urteurrena ospatu du ekitaldian, baita denbora honetan guztian eman dituen urrats sendoak azpimarratu ere.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.