Espainiako Kirol Elkarteak "bidegabekeriatzat" jo du Euskal Federazioa Nazioartekoan sartzea
Espainiako Kirolaren Elkarteak (Adesp), Espainiako kirol-federazioak biltzen dituen erakundeak, "bidegabekeriatzat" jo du Euskal Pilotaren Nazioarteko Federazioak (EPNF) Euskal Federazioa kide berri gisa onartzeko hartutako erabakia, "modu ilun eta antidemokratikoan" hartu zela iritzita.
Ohar batean, Euskal Federazioaren sarrera, hilaren 28an Iruñean egindako batzar orokorrean, "irregulartasun larriz" inguratuta egon zela uste du Adesp erakundeak. Irregulartasun horien artean, aipatu ditu Espainiako Federazioaren parte-hartzea eragotzi zela eta zazpi herrialdek baino ez zutela parte hartu.
Era berean, salatu du estatutuak aldatu zirela beste nazioarteko federazioan kide bat sartzeko, puntu hori gai-zerrendan sartu gabe, "edozein federaziotan sinestezina eta, are gehiago, nazioarteko erakunde batean".
"Horrelako edozein erabaki aldez aurretik jakinarazi behar da, eta inoiz ez ezkutuan eta bat-batean", dio Jose Hidalgo buru duen elkarteak.
Elkartearen ustez, gainera, larria da EPNFk bi herrialde "azpikeriaz" zigortu izana batzarra egin baino egun batzuk lehenago, bozketetan parte hartu ahal izan ez zezaten, haien botoa ezezkoa izango zela jakinda, eta "Xavier Cazaubon nazioarteko federazioko presidenteak planifikatutakoari jarraituz".
Oharrean adierazten da Cazaubonek "erantzukizun zuzena" duela "Espainiako Euskal Pilota Federazioaren aurka eta Espainiako gainerako kirolaren interesen kontra" zuzendutako operazioan.
Adesp elkarteak ziurtatu du EPNFren erabakiaren aurka abian jartzen diren lekintza guztiak babestuko dituela, bai justizia arruntaren esparruan, bai nazioarteko kirol-arloan, Espainiako Pilota Federazioari "babes irmoa" emateko.
UPN: "Nazio bat gehiago balitz bezala"
Zentzu horretan, UPNk Espainiako kirol erakundeei auzitara jotzeko eskatu die, EPNFk Euskal Federazioa "nazio bat gehiago balitz bezala" kide berri gisa onartzeko hartutako erabakia bertan behera uzteko.
Era berean, UPNk Nafarroako Parlamentuari eta Iruñeko Udalari proposatuko die Espainiako Gobernuari eska diezaiola Kirol Legearen 48.2 artikulua indargabetzeko, erkidegoen nazioarteko parte-hartzea ahalbidetzen baitu, erregionalistek ohar batean adierazi dutenez.
Cristina Ibarrola UPNko presidenteak telefonoz hitz egin du gaurJuan Garcia Angulo Espainiako Euskal Pilota Federazioko presidentearekin, eta "modu koordinatuan lan egitea" adostu du, "sortu den egoera iraultzeko".
UPNren ahotan, "Pedro Sanchezek EAJri arrazoi politiko hutsengatik eta interes pertsonal eta alderdikoiengatik emandakoari erantzuten dio gertatutakoak, berriro ere, inbestidura ziurtatzeko, erabaki hori justifikatzen duen kirol arrazoirik egon gabe".
Zure interesekoa izan daiteke
“Erremontari” txapelketaren 3. jardunaldiko hiru tanto onenak
Beñat Segurolak, Imanol Ansak eta Endika Barrenetxeak egin dituzte Erremontari-Sagardoaren Txapelketako bigarren jardunaldiko tanto onenak. Gozatu!
Dario, bere lehen finalari begira
Dario Gomezek lehen finala jokatuko du igande honetan, Iñaki Artolaren aurka, Buruz Buruko Txapelketan. Egun handiari begira nola sentitzen den kontatu du elkarrizketa honetan.
Ezkurra II-Azpiroz eta Aldabe-Barrenetxea IV bikoteek garaipenaren saria izan dute hirugarren jardunaldian
Ezkurrak eta Azpirozek Segurola eta Larrañaga hiru jokotan (14-15, 15-2 eta 5-8) hartu dituzte mendean, neurketa oso gorabeheratsuan. Bestalde, Aldabek eta Barrenetxeak partida irauli dute, eta Ansari eta Zubiriri irabazi diete hiru jokotan ere (15-6,-7-15 eta 5-8).
Aldabe: “Ansa eta Zubiri gu baino lehenago nekatu dira eta hor egon da aldea”
Aldabek eta Barrenetxeak mendean hartu dituzte Ansa II eta Zubiri. Hiru jokotan lortu dute garaipena: 15-6, 7-15 eta 5-8. Hemen partidako azken tantoa eta urdinen adierazpenak.
Ezkurra II: “Tentsio puntu bat falta izan zaigu”
Hiru jokotan lortu du Ezkurra II-Azpiroz bikoteak Segurola-Larrañagaren aurkako garaipena (14-15,15-2 eta 5-8). Larrañagak huts eginda lortu dute garaipena, hemen azken tantoa eta garaileen hitzak.
350 bat sarrera geratzen dira Nafarroa Arenan igandean jokatuko den Buruz Buruko final handirako
Gehienak, 300 inguru, goiko kantxakoak dira, eta 114 euro balio dute; beheko kantxako 50 bat sarrera inguru eskuragarri daude, 140 eurotan bakoitza. Nafarroa Arenako beste zonalde guztietan, ordea, Iñaki Artolak eta Dario Gomezek jokatuko duten finalerako sarrerak agortu dira.
2026ko Buruz Buruko txapelduna berria izango da
Irabazten duenak irabazten duela, igandeko Buruz Buruko finaleko txapelduna berria izango da. Ez Dario Gomezek ez Iñaki Artolak ez dute orain arte halakorik lortu; beraz, lehen aldia izango litzateke bientzat.
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Lasok hirugarren postua eskuratu du Larrazabal erraz menderatuta (22-8)
Maila handiko partida jokatu dute Unai Lasok eta Iker Larrazabalek Tolosako Beotibar pilotalekuan, baina nafarrak nagusitasun osoz irabazi du neurketa (22-8). Horri esker, 2026ko Buruz Buruko Txapelketan hirugarren sailkatu da Bizkarreta-Gerendiaingoa.
Unai Amiano, Buruz Buruko txapeldun erakustaldia emanda (7-22)
Unai Amianok maisutasunez irabazi du B Serieko Buruz Buruko txapela Labriten, Ander Murua 7-22 mendean hartuta. Hasiera parekatua izan bada ere, neurketak kolore urdina hartu du berehala, eta irundarra erabat nagusi izan da partida osoan.