Urteari hasiera emateko, Binakako Txapelketako bigarren postua jokoan Eibarren
Joko handiko urtea izan dugu pilotaren munduan, eta hortaz, urte berriari ere ez diogu gutxiago eskatuko. Hasteko, ohitura bilakatu den partida, urte berriari hasiera ematen diona, Eibarko Astelenean jokatuko dena Binakako Txapelketaren barruan. Arratsaldeko 17:00etatik aurrera, hortaz, hitzordua dugu ETB1en eta eitb.eus atarian.
Altuna III-Ladis Galarza eta Artola-Imaz bikoteek seigarren jardunaldiari amaiera emango diote sailkapenaren goikaldean mantendu eta Txapelketako bigarren postuaren lehian aritzeko asmoarekin.
Norgehiagoka nagusiaren aurretik eta ondoren ere partidak izango ditugu, nor baino nor gehiago arituko baitira Arteaga II-Urretabizkaia, Egiguren V-Erostarberen aurka eta Dario-Bikuña bikotea, Zabala-Tolosa bikotearen aurka.
Jarrai ezazu jardunaldia, zuzenean, ETB1en eta eitb.eus atarian.
Zure interesekoa izan daiteke
Larrazabalek eta Mariezkurrenak puntu baliotsua lortu dute Etxeberria eta Rezusta garaituz (16-22)
Larrazabalek eta Mariezkurrenak seigarren garaipena lortu dute Binakako Txapelketako 11. jardunaldian, P. Etxeberria eta Rezusta 16-22 garaituta. Azken horiek, aldiz, oso zail izango dute txapelketan aurrera egitea.
Unax Landa oiartzuarrak Madalensoron egingo du debuta, Baikorekin, igandean: “Ametsa da, oso pozik herrian izango delako”
Atzelariak 20 urte ditu, eta Agirrerekin batera jokatuko du, Bakaikoa-Morgaetxebarria bikotearen aurka. Debutak ilusio handia sortu du Oiartzunen.
Juan Carlos Soto, Federazioaren abokatua: "Esan dietena da beste bide batzuetatik joan behar zutela"
Juan Carlos Soto Euskadiko Pilota Federazioaren abokatuak prentsaurrekoan azaldu ditu Kirola Arbitratzeko Auzitegiaren (KAA) erabakiaren xehetasun juridikoak.
Zeinek joka dezake Euskal Pilota Selekzioarekin?
Euskadiko Pilota Federazioko presidenteak Euskal Selekzioarekin jokatzeko bete beharreko baldintzak azaldu ditu.
Joxe Mari Mitxelena, KAAren erabakiaz: "Pozik gaude, eta orain errespetua eskatzen dugu"
Joxe Mari Mitxelena Euskadiko Pilota Federazioaren presidenteak prentsaurrekoa eman du, KAAk Espainiako Federazioak pilotako euskal selekzioaren ofizialtasunaren aurka jarritako helegitea ebazteari uko egin ostean. "Pozik" daudela azpimarratu du, eta aurrerantzean "errespetua" eskatu du.
Joxemari Mitxelena, Euskadiko pilota Federazioko presidentea: “Espero dut amesgaiztoa, behingoz, hemen bukatzea”
“Azkenean, Espainia bakarrik geratu da”, nabarmendu du Euskadiko pilota Federazioko presidenteak. TASek ez du ebatzi Espainiako Federazioak aurkeztutako helegiteaz, uste baitu ez duelako horretarako eskumenik, eta, beraz, euskal selekzioak ofiziala izaten jarraituko du.
TASek uko egin dio Espainiako Federazioak pilotako euskal selekzioaren ofizialtasunaren aurka jarritako helegitea ebazteari
Kirolaren Arbitraje Auzitegiak argitaratutako laudoaren arabera, horrek ez du eskumenik “akordio asanbleario baten inpugnazio bati buruzko erabakia hartzeko”.
Eusko Label Winter Series txapelketaren finalerdietako ligaxkaren 3.jardunaldiko hiru tanto onenak
Johan Sorozabalek eta Eñaut Urreistik egin dituzte Eusko Label Winter Serieseko finalerdietako ligaxkako hirugarren jardunaldiko tanto onenak.
Johan Sorozabal: "Ez dakit pilota barruan edo kanpoan zegoen; epaileak barruan zegoela esan du eta berak du arrazoia"
Johan eta Gorka Sorozabalek garaipena lortu dute Urreisti eta Lopezen aurka. Azken tantoaren polemikaren ostean, Johanek esan du ez dakiela pilota kanpoan edo barruan zegoen, baina Gorkak kanpoan zegoela uste du. Hala ere, anaiak pozik daude irabazi dutelako.
Azken tanto polemiko batek garaipena eman die Johan eta Gorkari
Johan eta Gorkak hiru setetan irabazi diete Urreisti eta Lopezi (15-11, 11-15 eta 4-5). Azken tantoa polemikoa izan da, 4-4 joanda, ez baitute jakin Johanek botatako bi paretakoa balekoa zen ala ez. Azkenean, epaileek lapurtarrei eman diete garaipena.