Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Jon Rahm Barrikako golflaria, Augusta National Golf Cluben (Georgia, AEB). Argazkia: EFE
Jon Rahm Barrikako (Bizkaia) Lehoia Augustako Mastersean bere bigarren jaka berdea janzteko faboritoen artean dago, denboraldia indartsu hasi ondoren. Era berean, Rory Mcllroy egungo txapelduna eta Scottie Scheffler munduko golf-jokalaririk onena garaipena eskuratzeko faborito nagusien artean daude.
Mastersa ostegun honetan hasi da Augusta National Golf Cluben (Georgia, AEB), munduko golfaren 'Big Three' horrek ikusmin handia piztu duela; izan ere, lehen aldiz, hirurak urteko lehen 'major'ean elkartu dira, aurretik irabazi izanaren eskarmentuarekin.
Halaber, Rahm, Mcllroy ipar irlandarra eta Scheffler estatubatuarra txapelketa batean elkartzen diren lehen aldia da, iragan uztailetik, Erresuma Batuko Irekitik.
Augustan ez dagoena 15 'major' irabazitako Tiger Woods da, joan den hilean golfetik aldi baterako aldentzen zela iragarri baitzuen, auto istripu bat izan ostean.
Rahmek badaki zer den Augustan irabaztea, eta asteartean prentsaurrekoan adierazi zuenez, horrek "lasaitasun pixka bat" ematen dio. Urtero Mastersaren irabazleari ematen zaion jaka berdea 2023an jantzi zuen bizkaitarrak. Augustan irabazi duen bigarren euskal herritarra da, Jose Maria Olazabal hondarribiarraren atzetik (1994 eta 1999).
Baina Rahmek ezin izan du geroztik Augustako zuloetan izandako arrakasta errepikatu, eta hurrengo bi urteetan top 10etik kanpo geratu zen.
Edizio hau, hala ere, une ezin hobean heltzen zaio Rahmbo-ri, denboraldiko lehen zatian oso emaitza onak lortu ondoren: garaipen bat Hong Kongen, hiru bigarren postu eta bosgarren bat.
Barrikako Lehoia azken bi urteetan LIV Golf txapelketa irabaztetik dator, eta orain sailkapenerako puntuak ematen dituenez, munduko sailkapenaren 30. postuan dago.
Jose Maria Olazabal, Augustan irabazle 1994an eta 1999an
Pribilegio bat da hemen egotea
Bestalde, Jose Maria Olazabalek Augustako Mastersean parte hartuko du berriz ere. Olazabalek biziarteko tokia du 1994an eta 1999an lortutako garaipenengatik, baina, 60 urterekin, golfeko mito bihurtu zuen txapelketan parte hartzeko edizio gutxi geratzen zaizkiola onartu du. Denboraldiko lehen ‘major’aren 90. edizioa 37.a izango da Olazabalentzat. Hondarribiko (Gipuzkoa) jokalariak otsailaren 5ean bete zituen 60 urte.
“Oso pozik nago berriro hemen egoteaz, oso leku berezia da niretzat, oroitzapen handiak ditut, ederrak, urte asko dira eta pribilegio bat da hemen egotea. Batez ere, gero eta gutxiago geratzen dela jabetzen zarenean, saiatzen zara nolabait ahalik eta ondoen aprobetxatzen, esperientziaz ahalik eta gehien gozatzen, eta hori egiten saiatuko naiz”, azpimarratu du hondarribiarrak.
Zure interesekoa izan daiteke
Rakel Mateok paratriatloia utziko du eta paraeskaladan arituko da, Los Angeles 2028 helburu izanik
“Fisikoki eta mentalki motibatuko ninduen erronka bat behar nuen”, adierazi du Mateok, eta aldaketa bere ibilbidearen bilakaera naturaltzat hartu du.
Egoitz Bijueska: “Pozik nago munduko txapelduna izateagatik, baina lasaitasuna sentitzen dut batez ere”
Egoitz Bijueska skaterrak urrezko domina lortu du, 15 urterekin, Brasilgo Munduko Txapelketan. Rankingean lehena da 95,83 punturekin, bigarrenez. Orain, hitzordu garrantzitsu batzuk ditu aurretik eta horiek gainditzea da bere helburua. (Bideoa gazteleraz)
Jon Rahm bigarren izan da Filadelfian; Aaron Rai, garaile
Orduan lehen postuan Alex Smalley estatubatuarra bi kolpera zuela hasi zuen PGA txapelketako azken jardunaldia barrikarrak. Azkenean, Smalleyrekin berdinduta bukatu zuen bigarren postua, Rai irabazlea hiru kolpera zuela.
Jon Rahm PGA txapelketa irabazteko aukerekin iritsi da azken jardunaldira
Barrikakoa lidergotik bi kolpera dago, igandeko azken jardunaldiaren faltan.
Jon Rahmek bat parraz azpitik egin du PGA Championshipeko lehenengo egunean
Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek bi gutxiago baliatu dituzte, hiru parretik beherako txartela aurkeztu baitute.
Ines Allende eta Eneko Carretero, Euskal Herriko Boulder txapeldunak
Allendek nagusitasunez hartu zituen mendean Elur Arteaga eta Sara San Martin, eta Carreterok gauza bera egin zuen Andoni Esparta eta Mikel Linazisororekin. 150 eskalatzaile elkartu ziren igandean, Iruñeko Bihatz Eskalada Gunean.
Lucas Herbert nagusi, LIV zirkuituko Virginiako txapelketan; Rahmek zortzigarren bukatu du
Barrikako golflariak 69 kolpe eginda amaitu du torneoa.
Nerea Garciak brontzea irabazi du K2ko 500 metroko proban, Szegedeko Munduko Kopan
Bestalde, Begoña Lazcano laugarren izan da K1eko 5.000 metroko finalean.
Angela Vilariño lehiaketara itzuliko da, bularreko minbizia gaindituta
Bost urteko tratamenduaren ondoren, Hondarribiko pilotuak abenduan jaso zuen sendagiria. Gaur jakinarazi du Europako Mendi Txapelketara itzuliko dela. Gainera, Porsche 911 GT3 bat gidatuko du.
Rahmek akordioa sinatu du DP World Tourrekin
Hilabetetako tentsioen ondoren, Barrikako golf jokalariak Europako zirkuituarekin duen gatazka konpondu du, zigorrak ordaintzea eta hainbat txapelketatan parte hartzea adostuta.