Higinio Rivero ez da sailkatu iraupen-eskiko esprinteko finalerdietarako, baina historia egin du
Iraupen-eskian lehiatuta, barakaldarra, 43 urtekoa bera, hiru kiroletan aritu da Joko Paralinpikoetan; Estatuan, ez du hori beste inork egin. Riverok, asteartean, hogeita laugarren postua eskuratu du.
Higinio Rivero, asteartean. Argazkia: Paulino Oribe (Espainiako Batzorde Paralinpikoa).
Higinio Riverok hogeita laugarren postua eskuratu du iraupen-eskiko esprint proban, Milanen eta Cortina d'Ampezzon jokatzen ari diren 2026ko Neguko Joko Paralinpikoetan, asteartean. Rivero, hala, ez da sailkatu iraupen-eskiko esprinteko finalerdietarako, baina historia egin du; izan ere, iraupen eskian lehiatuta, barakaldarra, 43 urtekoa bera, hiru kiroletan aritu da bere kirol ibilbidean Joko Paralinpikoetan; Estatuan, ez du hori beste inork egin.
Hain zuzen ere, Rivero, Tokio 2020 eta Paris 2024 Joko Paralinpikoetan, piraguismoan lehiatu zen, eta aurten biatloian aritu da. Asteartean jokatutako proban, Riverok, sailkatze txandan, 02:31.04 egin du, eta urrun gelditu zaio hamabigarren tokia; azken horrek ematen zuen finalaurrekoetarako sailkatzea, lehen hamabi sailkatuak eskuratu baitute hori. Txinako Liu Zixuk irabazi du proba, Brasilgo Cristian Westemaier Riberak zilarrezko domina bereganatu du, eta Yerbol Khamitov kazakhstandarra hirugarren sailkatu da.
“Gaurko sentsazioak oso onak izan dira eskian, oso ondo nabilela uste dut. Makiletan aldaketa egin dugu, kadentzia hobea izan dadin, eta uste dugu oso ondo irten dela, oso ondo egokitu gara”, adierazi du Riverok, Espainiako Batzorde Paralinpikoak zabaldutako adierazpenetan.
Riverok erabaki du ez duela jokatuko, asteazkenean, hamar kilometroko proba: “Nahiago dut indarrak gorde biatloiko azken probarako eta iraupen-eskiko 20 kilometroetarako”, azaldu du. Horrenbestez, lehiako beste bi egun gelditzen zaizkio, ostirala eta igandea.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.