Anthony Kimek irabazi du Adelaideko LIV Golf txapelketa, ezustean, eta Jon Rahm bigarren sailkatu da
Golf jokalari estatubatuarra hamabi urtez izan zen goreneko mailatik kanpo. Adelaiden, txapelketako azken jardunaldian, Rahm eta Bryson DeChambeau menderatu ditu, hirugarren egunaren amaieran bi horiek lehen postuan izan arren, Kim atzetik segika 5 kolpera zutela.
Anthony Kim bikain aritu da azken jardunaldian. Argazkia: EFE.
Anthony Kim golf jokalari estatubatuarrak irabazi du 2026ko Adelaideko LIV Golf txapelketa, igandean, Adelaideko The Grange Golf Cluben. Kim 12 urtez izan zen maila gorenetik kanpo, 2012tik 2024ra bitartean, baina orain, txapelketako azken jardunaldian, Jon Rahm eta Bryson DeChambeau estatubatuarra menderatu ditu, hirugarren egunaren amaieran lehen postuan ziren arren, Kim 5 kolpera zutela.
Egoera ikusita, iganderako aurreikuspena zen Rahm eta DeChambeau nor baino nor gehiago aritzea, larunbatean aurreneko tokian baitzeuden, guztira 197 kolpe eginda, 19 kolpe zelaiko parretik behera. Rahmek eta DeChambeauk 5 kolpera zuten Kim, hirugarren postuan, eta, ondorioz, ez zen faboritoa.
Hala ere, txapelketa honetan, zirkuituko pasadizo harrigarrienetako bat ikusi da. Azken egunean irabazi du Kimek titulua, 9 birdie eginez 63 kolpeko txartela aurkeztuta. Azkenean, parretik behera 23 kolpeko txartela sinatuta, Rahmek baino 3 kolpe gutxiago eta DeChambeau baino 6 kolpe gutxiago behar izan ditu. Azken hori hirugarren postuan sailkatu da, Hattonekin eta Uihlenekin berdinduta.
Anthony Kim (40 urte) LIV Golfeko aurtengo edizioan ari da parte hartzen lehen aldiz talde bateko kide gisa. Dustin Johnsonek gidatzen duen 4Aces taldeak fitxatu zuen, aurtengo denboraldia amaitu arte, Patrick Reeden hutsunea betetzeko.
Bere ibilbide profesionalean, berarengan jarri zuten presio izugarriari aurre egin behar izan dio, besteak beste, Tiger Woods handiaren ondorengotzat jo baitzuten askok. Horrek eta lesioek golf zelaietatik aldendu zuten 2012an.
"Kirolari eta gizaki gisa hondoa jo" eta garai gogor eta ilun bat igaro ondoren, handik ateratzeko argi-izpia topatu zuen, eta elitera itzuli zen 12 urte geroago, bere buruari bigarren aukera bat emateko prest.
Inor gutxik uste zuen arrakastaren bideari ekingo zionik berriro. 2024an eta 2025ean, ez zuen aparteko emaitzarik lortu, baina agerikoa zen hobera egiten ari zela, eta sentsazioak berreskuratzen jarraitzeko prest iritsi zen Adelaidera. 3. tokian amaitu zuen larunbateko jardunaldia, Rahm eta DeChambeau 5 kolpera zituela, eta azken jardunaldian txartel izugarria aurkeztuta, ezustekoa eman du txapelketa irabazteko.
Zure interesekoa izan daiteke
Maxime Lucuren Bordelek bigarrenez jarraian irabazi du Txapeldunen Kopa, Bilbon
Bordelek nagusitasun handiz garaitu du Irlandako Leinster taldea (19-41). Maxime Lucu lapurtarra izan da finaleko jokalaririk onena. San Mamesek marka berria ezarri du, estadioan 52.327 ikusle bilduta.
Montpellierrek hirugarrenez irabazi du Challenge Kopa
59-26 irabazi dio Ulster Ipar Irlandako taldeari San Mamesen jokatutako finalean.
?fmt=webp-alpha&qlt=80)
Frantziarrek eta irlandarrek Bilbo hartu dute, San Mamesen Europako txapeldun izateko itxaropenarekin
Frantziako eta Irlandako taldeen arteko lehia bikoitza izango da. Ostiral honetan (21:00), EPCR Challenge Cup Europako bigarren txapelketaren finala jokatuko dute Ulsterrek eta Montpellierrek. Larunbatean (15:45), Investec Champions Cup txapelketa nagusiko final handia izango da Bordeaux eta Leinster taldeen artean.
Rakel Mateok paratriatloia utziko du eta paraeskaladan arituko da, Los Angeles 2028 helburu izanik
“Fisikoki eta mentalki motibatuko ninduen erronka bat behar nuen”, adierazi du Mateok, eta aldaketa bere ibilbidearen bilakaera naturaltzat hartu du.
Egoitz Bijueska: “Pozik nago munduko txapelduna izateagatik, baina lasaitasuna sentitzen dut batez ere”
Egoitz Bijueska skaterrak urrezko domina lortu du, 15 urterekin, Brasilgo Munduko Txapelketan. Rankingean lehena da 95,83 punturekin, bigarrenez. Orain, hitzordu garrantzitsu batzuk ditu aurretik eta horiek gainditzea da bere helburua. (Bideoa gazteleraz)
Jon Rahm bigarren izan da Filadelfian; Aaron Rai, garaile
Orduan lehen postuan Alex Smalley estatubatuarra bi kolpera zuela hasi zuen PGA txapelketako azken jardunaldia barrikarrak. Azkenean, Smalleyrekin berdinduta bukatu zuen bigarren postua, Rai irabazlea hiru kolpera zuela.
Jon Rahm PGA txapelketa irabazteko aukerekin iritsi da azken jardunaldira
Barrikakoa lidergotik bi kolpera dago, igandeko azken jardunaldiaren faltan.
Jon Rahmek bat parraz azpitik egin du PGA Championshipeko lehenengo egunean
Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek bi gutxiago baliatu dituzte, hiru parretik beherako txartela aurkeztu baitute.
Ines Allende eta Eneko Carretero, Euskal Herriko Boulder txapeldunak
Allendek nagusitasunez hartu zituen mendean Elur Arteaga eta Sara San Martin, eta Carreterok gauza bera egin zuen Andoni Esparta eta Mikel Linazisororekin. 150 eskalatzaile elkartu ziren igandean, Iruñeko Bihatz Eskalada Gunean.
Lucas Herbert nagusi, LIV zirkuituko Virginiako txapelketan; Rahmek zortzigarren bukatu du
Barrikako golflariak 69 kolpe eginda amaitu du torneoa.