Janire Gonzalez Etxabarri eta Andy Criere olinpiar jokoetatik at geratu dira
Janire Gonzalez Etxabarri euskal surflariak olinpiar jokoei agur esan die igande honetan, bigarren errondan galdu eta gero. Andy Crierek ere ez du aurrera egitea lortu. Nadia Erostarbe, ordea, final zortzirenen zain dago.
Gonzalez Etxabarrik (19 urte) ezin izan dio Anat Lelior israeldarrari irabazi: 2.80 puntu lortu ditu bizkaitarrak, eta 11 Leliorrek. Beraz, 2020ean Europako Junior mailako txapeldun izandakoak ezin izan zuen bere indarra erakutsi, Teahupo'on bi erronda lehiatuta.
Bestetik, Andy Crierek ere agur esan dio olinpiar jokoen abenturari, Alan Cleland mexikarraren aurka galduta. Crieren olatu onenak 2.50 puntu jaso zituen, eta Clelandenak 8.50. Astelehen honetan, Joan Duruk egin beharko dio aurre mexikarrari.
Nadia Erostarbek zuzenean final zortzirenetarako txartela eskuratu zuen, joan den larunbatean bere serieko lehen postuan geratu zelako. Zarauztarrak sentsazio onak baieztatu zituen, Tahitiko olatura ondo egokitzeaz gain.
Zure interesekoa izan daiteke
Ander Minteguik bigarren postua lortu du Santa Caterinako Europako Koparen Supererraldoi proban
“Oso pozik nago. Nere lehenengo ‘top 10’, ‘Top 5’ eta Europako Kopako podioa da, eta denboraldia horrela hasteak geratzen den denboran jarraitzeko aunitz laguntzen dit”, esan du Minteguik; hori Felix Hacker irabazletik 32 ehunenetara geratu da.
Lando Norris, 1 Formulako munduko txapelduna
Pilotu britainiarrak 1 Formulako Munduko Txapelketa irabazi du Abu Dhabiko Sari Nagusian hirugarren amaituta, Verstappen eta Piastriren atzetik.
Joyciline Jepkosgei eta John Korir kenyarrak, Valentziako Maratoiko irabazleak
Joyciline Jepkosgei kenyarrak irabazi du Valentziako Maratoiaren 45. edizioa, urteko munduko markarik onena eginda: 02:14:00. Gizonezkoetan, berriz, John Korir kenyarra gailendu da, nagusitasunez, 02:02:24ko denbora eginda.
Dupont eta Roseyro nagusitu dira Punta Galean
Punta Galeako olatu erraldoien txapelketak ez du huts egin. Hiru urteko etenaldiaren ondoren, surf gogoa zegoen eta ikuskizunak merezi izan du. Clement Roseyro eta Justine Dupont izan dira 2025eko Punta Galea Big Wave Challengeko irabazleak.
Ariane Toro Soler judokak brontzea lortu du Tokioko Grand Slamean 52 kiloz azpiko kategorian
22 urteko nafarra Kisumi Omori japoniarrari gaildendu zaio bigarren aukerako finalean.
Edurne Pasaban: "Gaur egun ere, ezin dut bizi mendia gabe"
Edurne Pasaban alpinista ohia izan dugu EITBn. Bere ibilbideko istorioak kontatzen dituen komikia argitaratuko da, Mendi Film Festivalean, eta bertan ikusi eta ezagutu ahalko dugunaz aritu gara berarekin.
San Mamesek errugbiko Champions Cup eta Challenge Cup finalak hartuko ditu berriro maiatzaren 22an eta 23an
Asteburu honetan bi txapelketak hasteko ordu gutxi falta direnean, 24.000 sarrera bikoitz baino gehiago saldu dira, salgai jarriko direnen % 50 baino gehiago.
Punta Galea Challenge lehiaketa larunbatean egingo dute Getxon 6 metroko olatuekin
Espero diren baldintzek espezialitateko Europako lehiaketarik zaharrena berriro egitea ahalbidetuko dute, hiru urteko geldialdi baten ondoren. Berritasun nagusia emakumezko surflariek lehen aldiz parte hartzea izango da.
Egoitz Bijueska, munduko onenen artean dabilen skater bilbotarra
Egoitz Bijueska 15 urteko skater bilbotarra da. Munduko rankinean bigarren postuan dago oraintxe, maila horretara iritsi den lehen euskalduna.
Futbol Amerikar gaua San Mamesen
San Mamesek ateak zabaldu ditu, baina oraingoan NFLko bi partiduak ikusteko. Futbol Amerikarreko 400 zale gerturatu dira bertara eta goizeko ordu txikietararte izango dira bertan.