Nahia Zudaire laugarren izan da tximeleta estiloko 100 metroko proban
Euskal ordezkariak gaur
Nahia Zudaire tximeleta estiloko 100 metroko finalean izan da eta eskura izan du hirugarren postua eta brontzezko domina. Lasterketa oso ondo hasi du donostiarrak eta hirugarren postuan metro asko egin ditu igeri, baina azken metroetan gainditu egin du Laura Carolina Gonzalez kolonbiarrak 8 ehunengatik eta laugarren postuan amaitu du.
Zudairek merezitako diploma paralinpikoa eramango du etxera.
SAILKAPENA
1. AEB, Jessica Long 1:09.87
2. RPC, Viktoriia Ishchiulova 1:10.80
3. COL, Laura Carolina Gonzalez 1:20.93
4. EUS, Nahia Zudaire Borrezo 1:21.01
5. MEX, Luz Kerena Lopez Valdes 1:24.05
6. BRA, Cecilia Kethlen Jeronimo 1:26.26
7. CAN, Morgan Bird 1:28.05
Hirugarren diploma Llopisentzat
Era berean, Iñigo Llopisek bere hirugarren diploma paralinpikoa lortu du Tokioko Joko hauetan, oraingoan 4x100 metroko estilotan. Basque Teameko kirolariak ez du gaur goizeko sailkatze proban igeri egin, indarrak arratsaldeko hitzordu nagusirako gordez. Oscar Salguero, Jose Antonio Mari Alcaraz eta Jacobo Garrido taldekideekin batera laugarren postuan bukatu du gaurko erreleboa, 4:15.84ko denborarekin, Errusia, Australia eta Italiaren atzetik.
"Pozik gaude, sailkatu ez den taldekide bat falta izan zaigulako, beste taldekide batek ordezkatu duelako eta oso ondo egin dugulako. Gure markarik onenera hurbildu gara, eta aurkariak ikusita, laugarren postuan geratzea zen helburua, laugarren postuarekin pozik" esan du Llopisek.
Gogoratu behar da bere bigarren Jokoetan, Iñigo Llopisek zilarrezko domina eskuratu duela 100 metroko bizkar estiloan, eta horrez gain hiru diploma poltsikoratu dituela: estilo libreko 4x100 metrokoan, estilo libreko 400 metrokoan eta estiloetako 4x100 metrokoan.
"Jokoen balorazio oso positiboa egiten dut. Helburu nagusia 100 bizkarrean domina bat lortzea zen, eta horretaz gain, final batzuetara pasatzea eta gero hau ere erreleboa, taldekideekin lehiatzea oso polita da eta oso pozik nago ", azpimarratu du donostiarrak.
Porrota gurpil-aulkiko saskibaloiko finalerdietan
Beste aldetik, Asier Garcia eta David Mouriz gurpil-aulkiko saskibaloiko finalerdietan izan dira Ameriketako Estatu Batuetako eta Espainiaren arteko partidan.
AEBko selekzioak aise irabazi du nahiz eta lehen laurdena oso parekatua izan (14-15, 22-39, 33-57 eta 52-66). Orain brontzezko dominaren borrokan izango dira.
Fitxa teknikoa
52 - Espainia (14+8+11+19): Dani Stix (2), Alejandro Zarzuela (17), Jordi Ruiz (14), Asier García (4) eta Manuel Enrique Lorenzo (4) -hasierako bostekoa- Amadou Diallo, David Mouriz, Oscar Onrubia (2) eta Ignacio Ortega (9).
66 - AEB (15+24+18+9): Michael Paye (2), Ryan Neiswender (2), Brian Bell (20), Steve Serio (9) eta John Boie -hasierako bostekoa- Jacob Williams (16), Joshua Turek (2), Matt Lesperance, Matt Scott (12), Nate Hinze wtaTrevon Jenifer (3).
Zure interesekoa izan daiteke
Wiesberger austriarra Adrian Otaeguiri gailendu zaio Txinako Irekian
Otaeguik gertu izan du garaipena DP World Tourreko Txinako Irekian, baina azkenean amore eman du Bernd Wiesberger austriarraren aurka.
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.