Olinpiar diplomarekin esan die agur Jokoei 'Chefo' Basterra belar hockeyko jokalari bizkaitarrak
"Chefo" Basterraren taldeak final-laurdenetan esan die agur Tokioko Olinpiar Jokoei. Espainiak ez du amore eman Belgikaren kontra, baina, azkenean, ezin izan du lortu finalerdietarako txartela.
Bi porrot, garaipen bat eta bi berdinketa izan ondoren, "Chefo" Basterraren taldeak final-laurdenetarako txartela lortu zuen, Australiaren aurka 1-1 bukatu zuen, eta gaur ere sano sufritu du Belgikaren aurkako partidan. David Alegrek 26. minutuan sartutako golak aurretik jarri ditu Fred Soyeden gizonak, baina Hendrickxek eta Tom Alain Boomek 38, 41 eta 57. minutuetan gauzatutako penalti kornerren bitartez, sendo erantzun dute.
"Burua gora, txapelketa ona jokatu dugulako. Arantza sartuta geratzen zara partida honengatik, baina onenak dira, eta barkatzen baduzu, azkenean irabazi egiten dizute. Kanporaketa oso zaila zen. Dena eman dugu, baina edozein partidak kanpoan uzten zaitu, eta ez dago besterik", esan dio Basterrak Tokiora joandako Basque Team taldeko komunikazio taldeari.
"Chefo" Basterraren selekzioak dominak lortzeko borrokan sartu nahi zuen Rioko Jokoetan bosgarren postua eta diploma poltsikoratu eta gero. "Chefo" Basterra, ordea, ez zen hitzordu hartan izan, eta Tokiokoak izan dira bere lehen jokoak. Liga erregularreko goleatzaile nagusia eta Lauko Finaleko jokalaririk baliotsuena izan ostean deitu zuten bertan izateko. Azkenean, Brasilgo emaitza bera errepikatu dute oraingoan ere. Beraz, bizkaitarra olinpiar diplomarekin bueltatutako da etxera munduko kirol ekitaldirik handienetik.
"Asko ikasi dut"
"Pozik nago, esperientzia gozatzera etorri naizela uste dut. Zaila da, urte asko daramatzan jendearekin. Modu positiboan baloratzen dut, asko ikasi dut eta esperientzia hau etorkizunean errepikatzea espero dut", adierazi du Basterrak.
David Alegre jokalariak esan duenez, gaurko partidak elitean 20 urte eman dituzten jokalarien belaunaldi baten amaiera ekarri du: "Bada garaia pauso bat alde batera emateko eta besteek esperientzia hartzeko". Etapa berri bat hasiko dela onartu dute, eta Chefo Basterrak horretan zeresan handia izango duela ematen du. Getxokoak 2024ko Parisko Olinpiar Jokoak ditu orain jomugan.
Zure interesekoa izan daiteke
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.
LIV Golfek bertan behera utzi du bere azken txapelketa eta asteburu honetara aurreratu du taldekako finala
Michiganen abuztuaren 27tik 30era aurreikusitako taldekako finala asteburu honetara aurreratzea eta Indianapolisen jokatzea erabaki dute, LIVaren etorkizunari buruzko zalantzen erdian.
Rahm hamabosgarren postura jaitsi da munduko golf sailkapenean
Barrikako golf-jokalaria hamahirugarren postutik hamabosgarren postura jaitsi da. Bizkaitarrak datorren asteburuan Indianapolisen jokatuko du LIV zirkuituko azken txapelketa. Hala ere, dagoeneko txapeldun da.
Solaunek zilarra lortu du gimnastika erritmikoko Munduko Txapelketan
Larunbatean urrea eta 2028an Los Angelesko Olinpiar Jokoetarako txartela irabazi ondoren, gasteiztarrak distira egin du berriro Alemanian.
Salma Solaun, gimnastika erritmikoko munduko txapeldun
Gasteiztarrak urrea eskuratu du Espainiako taldearekin, eta, horrekin batera, Los Angelesko 2028ko Olinpiar Jokoetan lehiatzeko txartela.
Julen Saenz de Ormijanak historia egin du Europako Trial 26” txapelketan
Julen Saenz de Ormijana arabarra Europako txapeldun izendatu da elite Trial 26” mailan, Valvergen (Frantzia) egindako txapelketan. Pilotu gasteiztarrak adierazi du oraindik “sinetsi ezinda” dagoen arren, hurrengo asteko Munduko Kopan lehiatzeko “oso prest” dagoela.
Eneko Lambeak Munduko gimnasia erritmiko Txapelketako ekitaldi batean parte hartuko du, antolatzaileek gonbidatuta
Gizonezkoen gimnasia erritmikoa Espainian soilik da txapelketako kirola; hortaz, Sakoneta Gimnasia Erritmiko Taldeko Lambeak ezin du Estatuko selekzioan izan. Hala ere, asteazkenean hasi den Munduko Txapelketako antolatzaileek gonbidatu egin dute, eta larunbatean, txapelketa horretako gala batean, bere ariketa egingo du. Eneko Lambea Espainiako txapelduna da, Lehen Mailan.