Jon Rahmek Estatu Batuetako Irekia bereganatu du
Jon Rahm golf-jokalari bizkaitarrak Ameriketako Estatu Batuetako Irekia (US Open) bereganatu du igande honetan, bere ibilbide profesionaleko lehen txapelketa handia, hain zuzen ere. Barrikakoak 67 kolpe pilatu ditu azken jardunaldian, hau da, 4 kolpe zelaiko parraren azpitik, eta, ondorioz, -6ko emaitzarekin amaitu du. Atzetik, kolpe bakarrera, Louis Oosthuizen hegoafrikarra geratu da (-5). Hirugarren tokia Harris English estatubatuarrak bereganatu du, irabazlearengandik hiru kolpera (-3).
Rahmek bogey bakarra egin eta bost birdie erdietsi ditu igandeko jardunaldian, azken biak apartak. 17. eta 18. zuloetan erdietsi ditu aipatu birdie horiek, zein baino zein zailagoak eta ikusgarriak izan diren puttak zulo barrura bideratuta.
Hain justu ere, 18. banderako birdiea gauzatu duenean jarri da lehen aldiz sailkapenaren buruan bizkaitarra, eta ez dute toki horretatik mugitu. Dena den, ibilbidea amaitu duenean, itxarotea egokitu zaio Rahmi, Oosthuizen oraindik zelaian baitzegoen jokatzen (lau zulo falta zituen). Kolpe bakarreko aldea zegoen une horretan bien artean (-6 eta -5).
Ondorioz, hegoafrikarra (munduko sailkapeneko 18. jokalaririk onena) birdie bat egitera behartuta zegoen gutxienez, baina zelaiari kolpe bat kendu beharrean bat gehitu dio 17. zuloan (-4).
Hartara, azken banderan (5 kolperekin egin beharrekoa) eagle bat lortzeko beharrizana zeukan, hots, hiru kolperekin sartu behar zuen zuloan derrigorrez, Rahmekin berdindu, eta, ondoren, berdinketa hori hausteko bi zulo gehiago jokatzeko bien artean. Haatik, ez da mirarik izan Oosthuizenentzat, eta birdie batekin konformatu behar izan du.
Horrenbestez, Rahmek duela bi asteko tristurak alde batera utzi (Memorial torneoa utzi behar izan zuen lider zegoela, koronabirusean positibo eman zuela jakin eta gero), eta bere ibilbide profesionaleko garaipen nagusia erdietsi du, bere lehen Major edo txapelketa handia. Gainera, hain kuttuna duen San Diegoko Torrey Pineseko zelaian lortu du arrakasta; izan ere, besteak beste, bertan irabazi zuen PGAko bere lehen torneoa, 2017an (Farmers).
Garaikurra jaso du bertan:
Zure interesekoa izan daiteke
Maxime Lucuren Bordelek bigarrenez jarraian irabazi du Txapeldunen Kopa, Bilbon
Bordelek nagusitasun handiz garaitu du Irlandako Leinster taldea (19-41). Maxime Lucu lapurtarra izan da finaleko jokalaririk onena. San Mamesek marka berria ezarri du, estadioan 52.327 ikusle bilduta.
Montpellierrek hirugarrenez irabazi du Challenge Kopa
59-26 irabazi dio Ulster Ipar Irlandako taldeari San Mamesen jokatutako finalean.
?fmt=webp-alpha&qlt=80)
Frantziarrek eta irlandarrek Bilbo hartu dute, San Mamesen Europako txapeldun izateko itxaropenarekin
Frantziako eta Irlandako taldeen arteko lehia bikoitza izango da. Ostiral honetan (21:00), EPCR Challenge Cup Europako bigarren txapelketaren finala jokatuko dute Ulsterrek eta Montpellierrek. Larunbatean (15:45), Investec Champions Cup txapelketa nagusiko final handia izango da Bordeaux eta Leinster taldeen artean.
Rakel Mateok paratriatloia utziko du eta paraeskaladan arituko da, Los Angeles 2028 helburu izanik
“Fisikoki eta mentalki motibatuko ninduen erronka bat behar nuen”, adierazi du Mateok, eta aldaketa bere ibilbidearen bilakaera naturaltzat hartu du.
Egoitz Bijueska: “Pozik nago munduko txapelduna izateagatik, baina lasaitasuna sentitzen dut batez ere”
Egoitz Bijueska skaterrak urrezko domina lortu du, 15 urterekin, Brasilgo Munduko Txapelketan. Rankingean lehena da 95,83 punturekin, bigarrenez. Orain, hitzordu garrantzitsu batzuk ditu aurretik eta horiek gainditzea da bere helburua. (Bideoa gazteleraz)
Jon Rahm bigarren izan da Filadelfian; Aaron Rai, garaile
Orduan lehen postuan Alex Smalley estatubatuarra bi kolpera zuela hasi zuen PGA txapelketako azken jardunaldia barrikarrak. Azkenean, Smalleyrekin berdinduta bukatu zuen bigarren postua, Rai irabazlea hiru kolpera zuela.
Jon Rahm PGA txapelketa irabazteko aukerekin iritsi da azken jardunaldira
Barrikakoa lidergotik bi kolpera dago, igandeko azken jardunaldiaren faltan.
Jon Rahmek bat parraz azpitik egin du PGA Championshipeko lehenengo egunean
Denboraldiko bigarren txapelketa handian, aurreneko jardunaldian, euskal golf-jokalariak 69 kolpe behar izan ditu ibilbidea osatzeko; sailkapeneko lehen postuan dauden zazpi gizonek bi gutxiago baliatu dituzte, hiru parretik beherako txartela aurkeztu baitute.
Ines Allende eta Eneko Carretero, Euskal Herriko Boulder txapeldunak
Allendek nagusitasunez hartu zituen mendean Elur Arteaga eta Sara San Martin, eta Carreterok gauza bera egin zuen Andoni Esparta eta Mikel Linazisororekin. 150 eskalatzaile elkartu ziren igandean, Iruñeko Bihatz Eskalada Gunean.
Lucas Herbert nagusi, LIV zirkuituko Virginiako txapelketan; Rahmek zortzigarren bukatu du
Barrikako golflariak 69 kolpe eginda amaitu du torneoa.